Kerala
ശബരിമല വിര്ച്വല് ക്യൂ സംവിധാനം; ചുമതല ദേവസ്വം ബോര്ഡിന് കൈമാറും
ഹൈക്കോടതി വിധി അംഗീകരിച്ചാണിത്. സംവിധാനത്തിന്റെ നിയന്ത്രണത്തിലും തീര്ഥാടകരുടെ സൂക്ഷ്മ പരിശോധനയിലും പോലീസ് സഹായം തുടരും.
പത്തനംതിട്ട | ശബരിമല തീര്ഥാടകര്ക്കായി പോലീസ് ആവിഷ്ക്കരിച്ച വിര്ച്വല് ക്യൂ സംവിധാനത്തിന്റെ ചുമതല തിരുവിതാംകൂര് ദേവസ്വം ബോര്ഡിന് കൈമാറാന് ഉന്നതതല തീരുമാനം. ഹൈക്കോടതി വിധി അംഗീകരിച്ചാണിത്. സംവിധാനത്തിന്റെ നിയന്ത്രണത്തിലും തീര്ഥാടകരുടെ സൂക്ഷ്മ പരിശോധനയിലും പോലീസ് സഹായം തുടരും. വിര്ച്വല് ക്യൂവിന് ദേവസ്വം ബോര്ഡ് പ്രത്യേക സംവിധാനം ഒരുക്കും.ഐ ടി വിഭാഗം ശക്തിപ്പെടുത്തും. ബന്ധപ്പെട്ടവര്ക്ക് ആവശ്യമായ പരിശീലനം പോലീസ് നല്കും. ആവശ്യമെങ്കില് താത്കാലിക സാങ്കേതിക സഹായവും നല്കും. പമ്പ, നിലക്കല് എന്നിവിടങ്ങളിലെ സ്ഥിരം പരിശോധനാ കേന്ദ്രവും സ്പോട്ട് ബുക്കിംഗ് കേന്ദ്രവും തുടരും. ഉത്സവ സീസണുകളില് 11 കേന്ദ്രങ്ങളില് പോലീസ് നടപ്പാക്കി വരുന്ന സ്പോട്ട് ബുക്കിംഗ് കേന്ദ്രങ്ങള് ഇനി മുതല് ദേവസ്വം ബോര്ഡ് ഏറ്റെടുത്തു നടത്തും. അതിനാവശ്യമായ അടിസ്ഥാന സൗകര്യ വികസനത്തിന് പോലീസ് സഹായമുണ്ടാവും.
ശബരിമലയിലെ തിരക്ക് നിയന്ത്രിക്കുന്നതിനും ക്രമസമാധാന പാലനത്തിനും ഭീഷണികളുണ്ടായാല് പ്രതിരോധ നടപടികള് സ്വീകരിക്കുന്നതിന് പോലീസിന്റെ നിയന്ത്രണം കൂടി ആവശ്യമുണ്ടെന്ന് യോഗം വിലയിരുത്തി. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തില് ദേവസ്വം മന്ത്രി കെ രാധാകൃഷ്ണന്, തിരുവിതാംകൂര് ദേവസ്വം ബോര്ഡ് പ്രസിഡന്റ് അഡ്വ. കെ അനന്തഗോപന്, ചീഫ് സെക്രട്ടറി ഡോ. വി പി ജോയ് തുടങ്ങിയവര് പങ്കെടുത്തു.
Latest
മലപ്പുറത്ത് വിവിധയിടങ്ങളില് ഭൂമിക്കടിയില് നിന്നും വലിയ ശബ്ദവും പ്രകമ്പനവും; പരിഭ്രാന്തരായി ജനം
വര്ക്കലയില് വന്ദേഭാരത് ട്രെയിന് ഓട്ടോയില് ഇടിച്ചു
മട്ടന്നൂരില് കാറിടിച്ച് സ്കൂട്ടര് യാത്രികരായ യുവതിയും മകനും മരിച്ചു; മറ്റൊരു മകന് ഗുരുതര പരുക്ക്
30 കോടി രൂപ കുടിശ്ശിക; എച്ച് എം ടിയുടെ ഫ്യൂസ് ഊരി കെഎസ്ഇബി
വയോധികയെ കെട്ടിയിട്ട് കവര്ച്ച നടത്തിയ കേസ്; കൊച്ചുമകനും പെണ്സുഹൃത്തും പിടിയില്
കിസാന് ദിവസില് കാപ്പി കര്ഷകന് ആദരവുമായി നോളജ് സിറ്റി അധികൃതരെത്തി
