Kerala
ശബരിമല സ്വര്ണക്കൊളള കേസ്: മുന് എക്സിക്യൂട്ടീവ് ഓഫീസര് സുധീഷ് കുമാറിന് ജാമ്യം
കട്ടിളപ്പാളി, ദ്വാരപാലക പാളി കേസുകളിലാണ് സുധീഷ് കുമാര് അറസ്റ്റിലായത്.
തിരുവനന്തപുരം | ശബരിമല സ്വര്ണക്കൊളള കേസില് മുന് എക്സിക്യൂട്ടീവ് ഓഫീസര് സുധീഷ് കുമാറിന് ജാമ്യം. കൊല്ലം വിജിലന്സ് കോടതിയാണ് സുധീഷ് കുമാറിന് ജാമ്യം അനുവദിച്ചത്. കട്ടിളപ്പാളി, ദ്വാരപാലക പാളി കേസുകളിലാണ് സുധീഷ് കുമാര് അറസ്റ്റിലായത്. 90 ദിവസം പൂര്ത്തിയായതോടെയാണ് കര്ശന ഉപാധികളോടെ കൊല്ലം വിജിലന്സ് കോടതി സ്വാഭാവിക ജാമ്യം അനുവദിച്ചത്. ശബരിമല സ്വര്ണക്കൊളളയുമായി ബന്ധപ്പെട്ട് മുരാരി ബാബു, ശ്രീകുമാര് എന്നിവര്ക്ക് നേരത്തെ ജാമ്യം ലഭിച്ചിരുന്നു.
ഉണ്ണികൃഷ്ണന് പോറ്റിക്ക് പാളികള് കൈമാറിയപ്പോഴും തിരികെ കൊണ്ടുവന്നപ്പോഴും ശ്രീകുമാറായിരുന്നു അഡ്മിനിസ്ട്രേറ്റീവ് ഓഫീസര്. താന് ജോലിയില് പ്രവേശിക്കും മുന്പേ മഹസറിന്റെ കരട് മുരാരി ബാബു തയ്യാറാക്കിയിരുന്നുവെന്നാണ് ശ്രീകുമാറിന്റെ വാദം. ഉദ്യോഗസ്ഥനെന്ന നിലയില് ഒപ്പിടുകയെന്നത് ഉത്തരവാദിത്തമായിരുന്നുവെന്നും ശ്രീകുമാര് വാദിച്ചു.
അതേസമയം, കട്ടിളപ്പാളി കേസില് ഉണ്ണികൃഷ്ണന് പോറ്റിയുടെ ജാമ്യാപേക്ഷയില് ബുധനാഴ്ച്ച വിജിലന്സ് കോടതി വാദം കേള്ക്കും. എന് വാസുവിനെ 14 ദിവസത്തേക്ക് കോടതിയില് ഹാജരാക്കി റിമാന്ഡ് ചെയ്തു. ദ്വാരപാലക ശില്പ കേസില് തന്ത്രി കണ്ഠരര് രാജീവര് ജാമ്യാപേക്ഷ സമര്പ്പിച്ചിട്ടുണ്ട്.
Latest
ബേപ്പൂരില് യുഡിഎഫ് സ്ഥാനാര്ത്ഥി പി വി അന്വര്; സ്ഥിരീകരിച്ച് സണ്ണി ജോസഫ്
വയനാട് തോല്പ്പെട്ടിയില് ആദിവാസി യുവാവിന്റെ മരണം കൊലപാതകമെന്ന് ആരോപിച്ച് കുടുംബം
പാലക്കാട് കോങ്ങാട് സെപ്റ്റിക് ടാങ്കില് വീണ് യുവാവ് മരിച്ചു
ശബരിമല സ്വര്ണക്കൊളള കേസ്: മുന് എക്സിക്യൂട്ടീവ് ഓഫീസര് സുധീഷ് കുമാറിന് ജാമ്യം
പെരിയ ഇരട്ടക്കൊലക്കേസ്; പത്താം പ്രതി രഞ്ജിത്തിന് വീണ്ടും പരോള്
അനധികൃത പരോള്; അടിയന്തര പ്രമേയ നോട്ടീസ് തള്ളിയതില് പ്രതിഷേധിച്ച് പ്രതിപക്ഷ ബഹളം
