Kerala
രാജ്യസഭാ സീറ്റ്: ജെബി മേത്തര്‍ കോണ്‍ഗ്രസ് സ്ഥാനാര്‍ഥി
മഹിളാ കോണ്‍ഗ്രസ് സംസ്ഥാന അധ്യക്ഷയാണ് നിലവില്‍ ജെബി മേത്തര്‍
തിരുവനന്തപുരം | കേരളത്തില്‍ ഒഴിവുള്ള രാജ്യസഭാ സീറ്റുകളില്‍ കോണ്‍ഗ്രസ് സ്ഥാനാര്‍ഥിയായി ജെബി മേത്തറെ പ്രഖ്യാപിച്ചു. ഹൈക്കമാന്റ് ആണ് പ്രഖ്യാപനം നടത്തിയിരിക്കുന്നത്. മഹിളാ കോണ്‍ഗ്രസ് സംസ്ഥാന അധ്യക്ഷയാണ് നിലവില്‍ ജെബി മേത്തര്‍.
സ്ഥാനാര്‍ഥിയെ ചൊല്ലിയുള്ള തര്‍ക്കം രൂക്ഷമായതോടെ കെപിസിസി നേതൃത്വം സാധ്യതാ പട്ടിക ഹൈക്കമാന്‍ഡിന് കൈമാറുകയായിരുന്നു.വെള്ളിയാഴ്ച വെകുന്നേരമായിരുന്നു കെപിസിസി പട്ടിക കൈമാറിയത്.
മുസ്ലീം സമുദായ പരിഗണന, വനിതാ യുവ പ്രാതിനിധ്യം, യൂത്ത് കോണ്‍ഗ്രസ് ദേശീയ ഭാരവാഹി എന്ന നിലയിലുള്ള ഡല്‍ഹിയിലെ പ്രവര്‍ത്തന പരിചയം എന്നിവയാണ് ജെബി മേത്തറിന് നറുക്ക് വീഴാന്‍ കാരണമായ അനുകൂല ഘടകം.
സംസ്ഥാനത്തുനിന്ന് കോണ്‍ഗ്രസിന് രാജ്യസഭയിലും ലോക്സഭയിലും മുസ്ലീം വിഭാഗത്തില്‍നിന്ന് എംപിയില്ലെന്നതും മറ്റൊരു ഘടകമായി.നിലവിലെ രാഷ്ട്രീയ സാഹചര്യവും കൂടി കണക്കിലെടുത്താണ് ജെബിയുടെ പേര് പട്ടികയില്‍ ഉള്‍പ്പെടുത്തിയത്.എം ലിജു, ജെയ്‌സണ്‍ ജോസഫ് എന്നിവരുടെ പേരുകളും അന്തിമ സാധ്യത പട്ടികയില്‍ ഉള്‍പ്പെട്ടിരുന്നുവെന്നാണ് അറിയുന്നത്.
Latest
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
പട്ടാമ്പിയിൽ 13കാരന്‍ കുളത്തിൽ മുങ്ങിമരിച്ചു
ലോക്‌സഭാ തിരഞ്ഞെടുപ്പിൽ വീട്ടിൽ വോട്ട് ചെയ്ത് മുതിര്‍ന്ന ദേശീയ നേതാക്കള്‍
