Kerala
മകളെ വിട്ടുനല്കണമെന്ന് കോഴിക്കോട് ചില്ഡ്രന്സ് ഹോമില് നിന്നും രക്ഷപ്പെട്ട ഒരു കുട്ടിയുടെ മാതാവ്; കലക്ടര്ക്ക് പരാതി നല്കി
പെണ്കുട്ടികളെ ഇന്നലെ ചില്ഡ്രന്സ് ഹോമിലേക്ക് മാറ്റിയിരുന്നു
കോഴിക്കോട് | കോഴിക്കോട് ചില്ഡ്രന്സ് ഹോമില് നിന്ന് രക്ഷപ്പെട്ട പെണ്കുട്ടികളില് ഒരു പെണ്കുട്ടിയുടെ മാതാവ് മകളെ വിട്ടു നല്കണമെന്ന് ആവശ്യപ്പെട്ട് ജില്ലാ കലക്ടര്ക്ക് പരാതി നല്കിയത്. പെണ്കുട്ടികളെ ഇന്നലെ ചില്ഡ്രന്സ് ഹോമിലേക്ക് മാറ്റിയിരുന്നു.
കഴിഞ്ഞ ദിവസമാണ് കോഴിക്കോട് വെള്ളിമാടുകുന്നുള്ള ചില്ഡ്രന്സ് ഹോമില് നിന്ന് പെണ്കുട്ടികള് രക്ഷപെട്ടത്. സഹോദരിമാര് ഉള്പ്പെടെ ആറുപേരാണ് രക്ഷപ്പെട്ടിരുന്നത്. ഇവരെ പിന്നീട് പോലീസ് കണ്ടെത്തി കോഴിക്കോട് എത്തിക്കുകയായിരുന്നു.
കേസില് പെണ്കുട്ടികളുടെ രഹസ്യമൊഴി ഇന്നലെ രേഖപ്പെടുത്തി. കോഴിക്കോട് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് മൊഴി രേഖപ്പെടുത്തിയത്. പെണ്കുട്ടികളില് ഒരാള്ക്ക് കൊവിഡ് സ്ഥിരീകരിച്ചതിനാല് ഈ പെണ്കുട്ടിയുടെ മൊഴി ഓണ്ലൈനായി രേഖപ്പെടുത്തി.
കോഴിക്കോട് വെള്ളിമാടുകുന്ന് ചില്ഡ്രന്സ് ഹോമില് നിന്ന് കാണാതായ ആറ് പെണ്കുട്ടികളില് നിന്ന് മലപ്പുറം എടക്കരയില് നിന്നും കണ്ടെത്തിയ നാലു പെണ്കുട്ടികളെ ജനുവരി 28ന് വൈകുന്നേരത്തോടെ ചെവായൂര് പൊലീസ് സ്റ്റേഷനില് എത്തിച്ച് മൊഴി രേഖപ്പെടുത്തിയിരുന്നു. തുടര്ന്ന് കോഴിക്കോട് മെഡിക്കല് കോളജില് എത്തിച്ച് രാത്രിയോടെ വൈദ്യ പരിശോധന പൂര്ത്തിയാക്കി.
ഇന്നലെ ഉച്ചയ്ക്ക് ശേഷം ബംഗളൂരുവില് നിന്ന് പെണ്കുട്ടികള്ക്കൊപ്പം കസ്റ്റഡിയിലെടുത്ത ടോമിന്റെയും ഫെബിന്റേയും അറസ്റ്റ് രേഖപ്പെടുത്തിയിരുന്നു. കൊടുങ്ങല്ലൂര് സ്വദ്ദേശി ഫെബിന് റാഫി, കൊല്ലം സ്വദേശി ടോം തോമസ് എന്നിവരുടെ അറസ്റ്റാണ് രേഖപ്പെടുത്തിയത്. പോക്സോ 7, 8,വകുപ്പ്, ജുവനൈല് ജസ്റ്റിസ് ആക്ട്’ 77 പ്രകാരമാണ് അറസ്റ്റ്. ബംഗളൂരുവില് വച്ച് പരിചയപ്പെട്ട ടോമും ഫെബിനും ഫ്ളാറ്റിലേക്ക് ക്ഷണിക്കുകയും തുടര്ന്ന് മദ്യം നല്കി പീഡിപ്പിക്കാന് ശ്രമിക്കുകയും ചെയ്തതായി പെണ്കുട്ടികള് പരാതിപ്പെട്ടിരുന്നു