വനിതകളെ ഉള്‍പ്പെടുത്തി ലീഗ് ദേശീയ കമ്മിറ്റി

ചെന്നൈ | ചരിത്രം തിരുത്തി മുസ്‌ലിം ലീഗ് ദേശീയ കമ്മിറ്റിയില്‍ വനിതാ പ്രാതിനിധ്യം. രണ്ട് വനതികളെ ഉള്‍പ്പെടുത്തി കമ്മിറ്റി പുനഃസംഘടിപ്പിച്ചു. കേരളത്തില്‍ നിന്നുള്ള ജയന്തി രാജന്‍, തമിഴ്‌നാട്ടില്‍ നിന്നുള്ള ഫാത്വിമ മുസഫര്‍ എന്നിവരാണ് കമ്മിറ്റിയില്‍ ഇടം പിടിച്ചത്.

ചെന്നൈയിലെ അബു പാലസ് ഓഡിറ്റോറിയത്തില്‍ ചേര്‍ന്ന ദേശീയ കൗണ്‍സിലില്‍ സ്വാദിഖലി ശിഹാബ് തങ്ങള്‍ ചെയര്‍മാനും പ്രൊഫ. കെ എം ഖാദര്‍ മെയ്തീന്‍ പ്രസിഡന്റുമായുള്ള ദേശീയ കമ്മിറ്റി നിലവില്‍ വന്നു. പി കെ കുഞ്ഞാലിക്കുട്ടിയാണ് ജന. സെക്രട്ടറി. മറ്റു ഭാരവാഹികള്‍: ഇ ടി മുഹമ്മദ് ബശീര്‍ എം പി (ഓര്‍ഗനൈസിംഗ് സെക്രട്ടറി), ഡോ. എം പി അബ്ദുസ്സമദ് സമദാനി എം പി (സീനിയര്‍ വൈസ് പ്രസിഡന്റ്), പി വി അബ്ദുല്‍ വഹാബ് എം പി (ട്രഷറര്‍).

കെ പി എ മജീദ് എം എല്‍ എ (കേരളം), എം അബ്ദുറഹ്മാന്‍, (മുന്‍ എം പി, തമിഴ്നാട്), സിറാജ് ഇബ്രാഹിം സേട്ട് (കര്‍ണാടക), ദസ്ത്ഗീര്‍ ഇബ്രാഹിം ആഗ (കര്‍ണാടക), എസ് നഈം അക്തര്‍ (ബിഹാര്‍), കൗസര്‍ ഹയാത്ത് ഖാന്‍ (യു പി), കെ സൈനുല്‍ ആബിദീന്‍ (കേരളം) എന്നിവര്‍ വൈസ് പ്രസിഡന്റുമാരും സയ്യിദ് മുനവ്വറലി ശിഹാബ് തങ്ങള്‍ (കേരളം), ഖുര്‍റം അനീസ് ഉമര്‍ (ഡല്‍ഹി), നവാസ് കനി എം പി (തമിഴ്നാട്), അഡ്വ. ഹാരിസ് ബീരാന്‍ എം പി (കേരളം), അബ്ദുല്‍ ബാസിത് (തമിഴ്‌നാട്), ടി എ അഹമ്മദ് കബീര്‍ (കേരളം), സി കെ സുബൈര്‍ (കേരളം) എന്നിവര്‍ സെക്രട്ടറിമാരും ആസിഫ് അന്‍സാരി (ഡല്‍ഹി), അഡ്വ. ഫൈസല്‍ ബാബു (കേരളം), ഡോ. നജ്മുല്‍ ഹസന്‍ ഗനി (യു പി), ഫാത്തിമ മുസഫര്‍ (തമിഴ്നാട്), ജയന്തി രാജന്‍ (കേരളം), അഞ്ജനി കുമാര്‍ സിന്‍ഹ (ജാര്‍ഖണ്ഡ്), എം പി മുഹമ്മദ് കോയ (കേരളം) എന്നിവര്‍ അസ്സി. സെക്രട്ടറിമാരുമാണ്.