ipl 2021
കൊല്‍ക്കത്ത്ക്ക് ഐ പി എല്‍ കപ്പിലേക്ക് 193 റണ്‍സ് വിജയ ദൂരം
ഇരുപത് ഓവറില്‍ മൂന്ന് വിക്കറ്റ് നഷ്ടത്തിലാണ് ചെന്നൈ 192 റണ്‍സ് നേടിയത്
ദുബൈ | ഐ പി എല്‍ 2021 സീസണിലെ ഫൈനലില്‍ ചെന്നൈ സൂപ്പര്‍ കിംഗ്‌സിനെതിരെ കൊല്‍ക്കത്തക്ക് കപ്പിലേക്ക് 193 റണ്‍സിന്റെ വിജയ ദൂരം. ഇരുപത് ഓവറില്‍ മൂന്ന് വിക്കറ്റ് നഷ്ടത്തിലാണ് ചെന്നൈ 192 റണ്‍സ് നേടിയത്.
ചെന്നൈക്ക് വേണ്ടി ഓപ്പണര്‍മാരായ ഋതുരാജ് ഗെയ്ക്വാദും ഫാഫ് ഡുപ്ലെസിയും മികച്ച തുടക്കമാണ് നല്‍കിയത്. 27 പന്തില്‍ 32 റണ്‍സ് നേടി ഗെയ്ക്വാദ് പുറത്തായതോടെ റോബിന്‍ ഉത്തപ്പയെ കൂട്ട് പിടിച്ച് ഡുപ്ലെസി ആക്രമണം മുന്നോട്ട് കൊണ്ടുപോയി. തകര്‍ത്തടിച്ച ഉത്തപ്പ സുനില്‍ നരൈന് മുന്നില്‍ എല്‍ ബി ഡബ്ല്യുയുവില്‍ കുരുങ്ങുമ്പോഴേക്കും 15 പന്തില്‍ നിന്ന് 31 റണ്‍സ് നേടിയിരുന്നു. പിന്നീട് മൊഈന്‍ അലിയെ കൂട്ട് പിടിച്ച ഡുപ്ലെസി അവസാന പന്തില്‍ വെങ്കിടേഷ് അയ്യര്‍ക്ക് ക്യാച്ച് നല്‍കി മടങ്ങി. പുറത്താവുമ്പോള്‍ 59 പന്തില്‍ 86 റണ്‍സ് ആയിരുന്നു ഡുപ്ലെസിയുടെ സമ്പാദ്യം. മൊഈന്‍ അലി പുറത്താവാതെ 20 പന്തില്‍ റണ്‍സ് നേടി.
കൊല്‍ക്കത്തക്കായി നാലോവറില്‍ സുനില്‍ നരൈന് രണ്ട് വിക്കറ്റ് നേടിയെങ്കിലും 26 റണ്‍സ് അദ്ദേഹം വിട്ടുകൊടുത്തിരുന്നു. ശിവം മാവിയും കൊല്‍ക്കത്തക്ക് വേണ്ടി ഒരു വിക്കറ്റ് നേടി. നാലോവറില്‍ 14 റണ്‍സ് ഇക്കോണമി റേറ്റില്‍ 56 റണ്‍സ് നല്‍കിയ ലോക്കി ഫര്‍ഗൂസണാണ് ഏറ്റവും കൂടുതല്‍ ബാറ്റര്‍മാരുടെ പ്രഹരം ലഭിച്ചത്.
Latest
കോഴിക്കോട് ബൂത്ത് ഏജന്റ് കുഴഞ്ഞു വീണ് മരിച്ചു
എല്‍ഡിഎഫ് ചരിത്ര വിജയം നേടും; കേരള വിരുദ്ധ ശക്തികള്‍ക്കെതിരായ താക്കീതാകും തിരഞ്ഞെടുപ്പ്: മുഖ്യമന്ത്രി
സംസ്ഥാനത്ത് ആദ്യ മണിക്കൂറില്‍ പോളിങ് 12 ശതമാനം കടന്നു
ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ വോട്ട് രേഖപ്പെടുത്തി
വോട്ടിന് പണം ; സുരേഷ് ഗോപി നാടിനെ നാണം കെടുത്തിയെന്ന് വി സ് സുനില്‍കുമാര്‍
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
