National
വിജിലന്‍സ് റെയ്ഡിനിടെ ഐ എ എസ് ഉദ്യോഗസ്ഥന്റെ മകന്‍ വെടിയേറ്റ് മരിച്ചു; ഉദ്യോഗസ്ഥര്‍ കൊലപ്പെടുത്തിയെന്ന് ആരോപണം
മകനെ ഉദ്യോഗസ്ഥര്‍ കൊലപ്പെടുത്തിയതാണെന്നും താന്‍ ദൃക്സാക്ഷിയാണെന്നും സഞ്ജയ് പോപ്ലി
ന്യൂഡല്‍ഹി | അഴിമതി കേസില്‍ അറസ്റ്റിലായ ഐ എ എസ് ഉദ്യോഗസ്ഥന്‍ സഞ്ജയ് പോപ്ലിയുടെ മകന്‍ കാര്‍ത്തിക് പോപ്ലി വീട്ടില്‍ ദുരൂഹസാഹചര്യത്തില്‍ വെടിയേറ്റ് മരിച്ചു. സഞ്ജയ് പോപ്ലിയുടെ ചണ്ഡീഗഢിലെ വീട്ടില്‍ വിജിലന്‍സ് റെയ്ഡ് നടക്കുന്നതിനിടെയാണ് മകനായ കാര്‍ത്തിക്(27) വെടിയേറ്റ് മരിച്ചത്. യുവാവ് ആത്മഹത്യ ചെയ്തതെന്നാണ് പോലീസിന്റെ വിശദീകരണം. അതേസമയം, മകനെ ഉദ്യോഗസ്ഥര്‍ കൊലപ്പെടുത്തിയതാണെന്നും താന്‍ ദൃക്സാക്ഷിയാണെന്നും സഞ്ജയ് പോപ്ലി ആരോപിച്ചു.
പഞ്ചാബിലെ നവാന്‍ഷഹറില്‍ മലിനജല പൈപ്പുകള്‍ സ്ഥാപിക്കുന്നതിന്റെ ടെന്‍ഡറുമായി ബന്ധപ്പെട്ട് കൈക്കൂലി ആവശ്യപ്പെട്ടതിനാണ് ജൂണ്‍ 20ന് സഞ്ജയ് പോപ്ലിയെ അറസ്റ്റ് ചെയ്തത്. ഈ കേസുമായി ബന്ധപ്പെട്ട് ശനിയാഴ്ച വിജിലന്‍സ് സംഘം അദ്ദേഹത്തിന്റെ വീട്ടില്‍ റെയ്ഡിനെത്തിയിരുന്നു. ഇതിനിടെയാണ് മകന്‍ കാര്‍ത്തിക് വെടിയേറ്റ് മരിച്ചത്.
സഞ്ജയ് പോപ്ലിയുടെ പേരിലുള്ള തോക്ക് ഉപയോഗിച്ചാണ് മകന്‍ ജീവനൊടുക്കിയതെന്ന് ചണ്ഡീഗഢ് സീനിയര്‍ പോലീസ് സൂപ്രണ്ട് കുല്‍ദീപ് ചഹലി പറഞ്ഞു
Latest
കെ എസ് ആര്‍ ടി സിക്ക് കുറുകെ കാര്‍ നിര്‍ത്തി തടസം സൃഷ്ടിച്ചു; ആര്യ രാജേന്ദ്രനും സച്ചിന്‍ദേവിനുമെതിരെ കേസെടുക്കണമെന്ന് മനുഷ്യാവകാശ കമ്മീഷന് പരാതി
മക്‌ഡോണാള്‍ഡ്‌സില്‍ നിന്ന് ബര്‍ഗര്‍ കഴിച്ചയാള്‍ക്ക് ഭക്ഷ്യവിഷബാധ; പരാതിയില്‍ നടപടി
14കാരിയായ അതിജീവിതയ്ക്ക് ഗര്‍ഭച്ഛിദ്രത്തിന് അനുവാദം നല്‍കിയ ഉത്തരവ് തിരിച്ചുവിളിച്ച് സുപ്രീംകോടതി
പാലക്കാട് ബാന്‍ഡ് മേളത്തിനിടെ ബ്യുഗിള്‍ കലാകാരന്‍ കുഴഞ്ഞു വീണ് മരിച്ചു
സുപ്രീംകോടതി അഡ്വക്കേറ്റ്‌സ് ഓണ്‍ റെക്കോര്‍ഡ് അസോസിയേഷന്‍ അധ്യക്ഷനായി വിപിന്‍ നായരെ തിരഞ്ഞെടുത്തു
പി ജയരാജന്‍ വധശ്രമക്കേസ്; ഏഴ് പ്രതികളെ വിട്ടയച്ച വിധിക്കെതിരെ സര്‍ക്കാര്‍ സുപ്രീം കോടതിയില്‍
