പത്തനംതിട്ടയില്‍ ഭാര്യയുമായുള്ള തര്‍ക്കത്തെ തുടര്‍ന്ന് വീടിന് തീയിട്ട് ഭര്‍ത്താവ്

പത്തനംതിട്ട| പത്തനംതിട്ട വകയാറില്‍ ഭാര്യയുമായുള്ള തര്‍ക്കത്തെ തുടര്‍ന്ന് വീടിന് തീയിട്ട് ഭര്‍ത്താവ്. സംഭവത്തില്‍ ഭാര്യക്കും മകനും പൊള്ളലേറ്റു. ഇന്ന് പുലര്‍ച്ചെയാണ് സംഭവം. ഭര്‍ത്താവ് സിജുവിനെ (42) കോന്നി പോലീസ് അറസ്റ്റ് ചെയ്തു. 5 ലിറ്റര്‍ പെട്രോള്‍ ഒഴിച്ചാണ് സിജു വീടിന് തീ കൊളുത്തിയത്. തീ വെച്ചശേഷം സിജു ഓടി രക്ഷപ്പെട്ടു. വീടിന്റെ വാതില്‍ പുറത്ത് നിന്ന് പൂട്ടിയിട്ടതിനാല്‍ ഭാര്യയ്ക്കും മകനും രക്ഷപെടാന്‍ സാധിച്ചില്ല. നിലവിളി ശബ്ദം കേട്ട അയല്‍വാസികളാണ് ഇവരെ രക്ഷപ്പെടുത്തി ആശുപത്രിയില്‍ എത്തിച്ചത്. ഭാര്യക്ക് 40 ശതമാനം പൊള്ളലെറ്റെന്നാണ് പോലീസ് പറഞ്ഞത്.