Pathanamthitta
ആരോഗ്യമന്ത്രിയുടെ ഓഫിസ് നിറയെ അഴിമതിയുടെ കറുത്ത വറ്റുകള്‍: ജെബി മേത്തര്‍ എം പി
മന്ത്രിയുടെ പി ആര്‍ നാടകമല്ലാതെ ആരോഗ്യ മേഖലയില്‍ മറ്റൊന്നും നടക്കുന്നില്ല
പത്തനംതിട്ട | ആരോഗ്യ മന്ത്രി വീണ ജോര്‍ജിന്റെ ഓഫീസില്‍ നിറയെ അഴിമതിയുടെ കറുത്ത വറ്റുകളാണെന്ന് മഹിള കോണ്‍ഗ്രസ് സംസ്ഥാന പ്രസിഡന്റ് ജെബി മേത്തര്‍ എം പി കുറ്റപ്പെടുത്തി. മന്ത്രിയുടെ ഓഫീസിന് നേരെ ഗൂഢാലോചന എന്ന മുഖ്യമന്ത്രിയുടെ കണ്ടെത്തല്‍ ശരിയാണ്. മഹിള കോണ്‍ഗ്രസ് ഉല്‍സാഹ് ബ്ലോക്ക് തല കണ്‍വന്‍ഷന്‍ പത്തനംതിട്ടയില്‍ ഉദ്ഘാടനം ചെയ്ത് സംസാരിക്കുകയായിരുന്നു അവര്‍. ഇടതു പക്ഷ എം എല്‍ എയുടെ മുറിയില്‍ ഇടതു യുവനേതാക്കള്‍ നടത്തിയ ഗൂഢാലോചനയെ കുറിച്ച് എന്തു കൊണ്ട് അന്വേഷിക്കുന്നില്ല. മന്ത്രിയുടെ പി ആര്‍ നാടകമല്ലാതെ ആരോഗ്യ മേഖലയില്‍ മറ്റൊന്നും നടക്കുന്നില്ല.
ആശുപത്രികള്‍ തോറും കയറിയിറങ്ങി കുട്ടികളെ എടുത്തതു കൊണ്ട് കാര്യമില്ല. ഡോക്ടര്‍മാരില്ല, നേഴ്സുമാരില്ല, അവശ്യ മരുന്നുകളുമില്ല. മന്ത്രിയുടെ ധിക്കാരത്തിന് മാത്രം കുറവില്ലെന്നും ജെബി മേത്തര്‍ പറഞ്ഞു.
ബ്ലോക്ക് പ്രസിഡന്റ് സജിനി മോഹന്‍ അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് ലക്ഷ്മി, ജനറല്‍ സെക്രട്ടറിമാരായ സുജാ ജോണ്‍, ഗ്ലാഡിസ്, ഡി സി സി പ്രസിഡന്റ് സതീഷ് കൊച്ചുപറമ്പില്‍, മഹിളാകോണ്‍ഗ്രസ്സ് ജില്ലാ പ്രസിഡന്റ് രജ, റജി ബഷീര്‍ എന്നിവര്‍ സംസാരിച്ചു.
Latest
പതിനേഴുകാരിയെ വിവാഹ വാഗ്ദാനം നല്‍കി നിരന്തരം പീഡിപ്പിച്ചു; 24കാരന്‍ പിടിയില്‍
അതിതീവ്ര മഴ; തമിഴ്‌നാട്ടിൽ 4 ജില്ലകളിൽ റെഡ് അലർട്ട്
ലോക്‌സഭാ തിരഞ്ഞെടുപ്പ്: 8889 കോടിയുടെ പണവും സാധനങ്ങളും പിടിച്ചെടുത്തു; പിടിച്ചെടുത്തവയില്‍ 3,959 കോടിയുടെ മയക്ക്മരുന്നും
പ്ലസ് വണ്‍ സീറ്റ് വിവാദം എല്ലാ വര്‍ഷവും ഉള്ളതാണ് അതില്‍ രാഷ്ട്രീയ മുതലെടുപ്പ് നടത്തരുത്; മന്ത്രി വി ശിവന്‍കുട്ടി
അര്‍ഹരായ എല്ലാ ബിപിഎല്‍ അപേക്ഷകര്‍ക്കും വാട്ടര്‍ അതോറിറ്റി സൗജന്യ കുടിവെള്ളം നല്‍കും
അതിജീവിതയെ അപമാനിക്കുന്ന തരത്തില്‍ വാര്‍ത്തകള്‍ നല്‍കരുത്; കര്‍ശനമായി ഇടപെടേണ്ട സ്ഥിതിയെന്ന് വനിത കമ്മിഷന്‍ അധ്യക്ഷ
