വെള്ളിയാഴ്ചത്തെ തിരഞ്ഞെടുപ്പ് മാറ്റണം: കേരള മുസ്‌ലിം ജമാഅത്ത്

കോഴിക്കോട് | കേരളത്തിൽ ഏപ്രിൽ 26ന് വെള്ളിയാഴ്ച തിരഞ്ഞെടുപ്പ് നടത്താനുള്ള തീരുമാനം കേന്ദ്ര തിരഞ്ഞെടുപ്പ് കമ്മീഷൻ പുനഃപരിശോധിക്കണമെന്ന് കേരള മുസ്‌ലിം ജമാഅത്ത് ആവശ്യപ്പെട്ടു.

ജുമുഅ ദിവസത്തെ വോട്ടെടുപ്പ് തിരഞ്ഞെടുപ്പ് ചുമതലയുള്ള മുസ്‌ലിം ഉദ്യോഗസ്ഥർക്കും വോട്ടർമാർക്കും പോളിംഗ് എജന്റുമാരായ വിശ്വാസികൾക്കും പ്രയാസം സൃഷ്ടിക്കും. തിരഞ്ഞെടുപ്പ് മറ്റൊരു ദിവസത്തേക്ക് മാറ്റണം. ഈ ആവശ്യം ഉന്നയിച്ച് കേരള മുസ്‌ലിം ജമാഅത്ത് അധ്യക്ഷൻ കാന്തപുരം എ പി അബൂബക്കർ മുസ്‌ലിയാർ കമ്മീഷന് കത്തയച്ചു.