ഇംഗ്ലണ്ടിന് 368 റണ്‍സ് വിജയ ലക്ഷ്യം; മികച്ച തുടക്കം

ഓവല്‍ | ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റില്‍ ഇന്ത്യ രണ്ടാം ഇന്നിംഗ്‌സില്‍ 466 ന് ഓള്‍ ഔട്ടായി. ഇതോടെ ഇംഗ്ലണ്ടിന് മുന്നില്‍ 368 റണ്‍സ് വിജയ ലക്ഷ്യമാണ് ഇന്ത്യ മുന്നോട്ട് വെച്ചിരിക്കുന്നത്. രോഹിത് ശര്‍മയുടെ സെഞ്ച്വറിയും റിഷഭ് പന്ത്, ശര്‍ദൂല്‍ ഠാക്കൂര്‍ എന്നിവരുടെ അര്‍ധ സെഞ്ച്വറിയുമാണ് ഇന്ത്യക്ക് ഇംഗ്ലണ്ടിന് മുന്നില്‍ വെല്ലുവിളിയാവുന്ന വിജയ ലക്ഷ്യം മുന്നോട്ട് വെച്ചത്. പരന്ന പിച്ചില്‍ ഇംഗ്ലീഷ് ബൗളര്‍മാര്‍ വിയര്‍ക്കുന്ന കാഴ്ച ഓവലില്‍ കണ്ടു.

ഇംഗ്ലണ്ടിനെതിരായി ഫീല്‍ഡിങ്ങില്‍ രോഹിത് ശര്‍മയും ചേതേശ്വര്‍ പൂജാരയും ഇറങ്ങില്ല. കാലിനേറ്റ പരിക്കിനെ തുടര്‍ന്നാണ് ഇരുവരും ഫീല്‍ഡിങ്ങിന് ഇറങ്ങാത്തത്. ഇംഗ്ലണ്ട് ഓപ്പണര്‍മാരായ ഹസീബ് ഹമീദും റോറി ബേണ്‍സും മികച്ച തുടക്കമാണ് നല്‍കിയിരിക്കുന്നത്.