കണ്ണൂരില്‍ വീട്ടിലെ പൂജാ മുറിയില്‍ ലഹരി മരുന്ന്; പ്രതി ബി ജെ പി പ്രവര്‍ത്തകന്‍ ഓടിരക്ഷപ്പെട്ടു

കണ്ണൂര്‍ | തലശ്ശേരിയില്‍ ബി ജെ പി പ്രവര്‍ത്തകന്റെ വീട്ടില്‍ നിന്ന് ലഹരി മരുന്ന് പിടികൂടി. തലശ്ശേരി ഇല്ലത്ത് താഴെയിലെ റെനിലിന്റെ വീട്ടില്‍ നിന്നാണ് ലഹരി മരുന്ന് പിടികൂടിയത്. പോലീസ് പരിശോധനക്കെത്തിയപ്പോള്‍ പ്രതി ഓടി രക്ഷപ്പെട്ടു. 1.2 കിലോ കഞ്ചാവും അഞ്ച് ഗ്രാം എം ഡി എം എയുമാണ് പിടികൂടിയത്. വീട്ടിലെ പൂജാ മുറിയിലാണ് കഞ്ചാവും എം ഡി എം എയും സൂക്ഷിച്ചിരുന്നത്.

വീട് കേന്ദ്രീകരിച്ച് ലഹരി മരുന്ന് വില്‍പ്പന നടത്താറുണ്ടെന്ന് സഹോദരന്‍ മൊഴി നല്‍കി. മൂന്ന് ദിവസം മുമ്പ് റിനിലിന്റെ വീട്ടില്‍ പോലീസ് പരിശോധന നടത്തിയിരുന്നു. അന്ന് ലഹരി വസ്തുക്കള്‍ കണ്ടെത്താനായില്ല. ഇന്ന് വീണ്ടും നടത്തിയ തിരച്ചിലിലാണ് ലഹരി കണ്ടെത്തിയത്.