Kerala
തിരുവില്വാമല സഹകരണ ബേങ്കില്‍ നിന്നും കോടികള്‍ തട്ടി; ജീവനക്കാരനെതിരെ ബേങ്ക് പോലീസില്‍ പരാതി നല്‍കി
സഹോദരങ്ങളുടെയും ബന്ധുകളുടെയും പേരുകളില്‍ അക്കൗണ്ടുകള്‍ തുടങ്ങിയാണ് തുകകള്‍ പലപ്പോഴായി പിന്‍വലിച്ചത്
തൃശൂര്‍ | തിരുവില്വാമല സര്‍വീസ് സഹകരണ ബേങ്കില്‍ ജീവനക്കാരന്‍ കോടികളുടെ തട്ടിപ്പ് നടത്തിയതായി പരാതി. ഹെഡ് ക്ലര്‍ക്ക് ചക്കച്ചന്‍കാട് കോട്ടാട്ടില്‍ സുനീഷിനെതിരെ ബേങ്ക് സെക്രട്ടറി വിനോദ് കുമാറാണ് പഴയന്നൂര്‍ പോലീസില്‍ പരാതി നല്‍കിയത്. സുനീഷിന്റെ ബന്ധുക്കളുടേയും പരിചയക്കാരുടേയും അയല്‍വാസികളുടേയും ഫിക്‌സ്ഡ് ഡിപ്പോസിറ്റ് വ്യാജ ഒപ്പും രേഖയുമുണ്ടാക്കി ബേങ്കില്‍ നിന്ന് പലപ്പോഴായി രണ്ടരക്കോടി രൂപ പിന്‍വലിച്ചതായാണ് പരാതി. പണം പിന്‍വലിക്കാന്‍ നിക്ഷേപകര്‍ ബേങ്കിലെത്തിയപ്പോഴാണ് സംഭവം പുറത്തറിയുന്നത്.
പതിനഞ്ചോളം പേരുടെ പണമാണ് കവര്‍ന്നത്. സഹോദരങ്ങളുടെയും ബന്ധുകളുടെയും പേരുകളില്‍ അക്കൗണ്ടുകള്‍ തുടങ്ങിയാണ് തുകകള്‍ പലപ്പോഴായി പിന്‍വലിച്ചത്. ശനിയാഴ്ച ചേര്‍ന്ന ഭരണ സമിതി യോഗം സുനീഷിനെ അന്വേഷണ വിധേയമായി സസ്‌പെന്‍ഡ് ചെയ്തതായി ബേങ്ക് സെക്രട്ടറി അറിയിച്ചു. കോണ്‍ഗ്രസ് നേതൃത്വം നല്‍കുന്ന ഭരണ സമിതിയുടെ നിയന്ത്രണത്തിലുള്ളതാണ് ബേങ്ക്
Latest
കൊല്ലത്ത് ഭാര്യയെയും മകളെയും കൊലപ്പെടുത്തി ഗൃഹനാഥന്‍ ആത്മഹത്യക്ക് ശ്രമിച്ചു
ടെസ്റ്റ് പരിഷ്‌കരണം; തലസ്ഥാനത്ത് ഇന്നും ഡ്രൈവിംഗ് ടെസ്റ്റുകള്‍ മുടങ്ങി
മണ്ണാര്‍ക്കാട് കോഴിഫാമില്‍ വന്‍ തീപിടിത്തം;3000 കോഴിക്കുഞ്ഞുങ്ങള്‍ ചത്തു
കേരള മാപ്പിള കലാ അക്കാദമി ചെയര്‍മാന്‍ പി.എച്ച് അബ്ദുല്ല മാസ്റ്റര്‍ അന്തരിച്ചു
കടുത്ത ചൂടിന് ആശ്വാസമായി അടുത്ത അഞ്ച് ദിവസങ്ങളില്‍ മഴയ്ക്ക് സാധ്യത; കാലാവസ്ഥാ നിരീക്ഷണ കേന്ദ്രം
ലോക്‌സഭ തിരഞ്ഞെടുപ്പ്; മൂന്നാംഘട്ട വോട്ടെടുപ്പ് ആരംഭിച്ചു
