International
സിറിയയില് സംഘര്ഷം രൂക്ഷം; മരണം 100 കവിഞ്ഞു
അസദ് അനുകൂലികളും സൈന്യവും ഏറ്റുമുട്ടുന്നു
ദമസ്കസ് | സിറിയയിലെ തീരദേശ മേഖലയില് മുന് പ്രസിഡന്റ് ബശ്ശാര് അല് അസദിന്റെ അനുകൂലികളും സൈന്യവും തമ്മിലുള്ള ഏറ്റുമുട്ടലില് നൂറിലധികം പേര് കൊല്ലപ്പെട്ടു. കഴിഞ്ഞ ദിവസം ലതാകിയയില് സൈന്യത്തിന് നേര്ക്ക് അസദ് അനുകൂലികള് ആക്രമണം നടത്തിയതാണ് സംഘര്ഷത്തിന്റെ തുടക്കം. കഴിഞ്ഞ ഡിസംബറില് ബശ്ശാര് അല് അസദ് സര്ക്കാറിനെ അട്ടിമറിച്ചതിന് ശേഷമുള്ള ഏറ്റവും രക്തരൂക്ഷിത പോരാട്ടമാണിത്. നിലവില് ലതാകിയയില് സ്ഥിതി ശാന്തമാണെങ്കിലും ത്വര്ത്തൂസിലും അസദിന് പിന്തുണയുള്ള അലവൈത്ത് സമൂഹം തിങ്ങിപ്പാര്ക്കുന്ന പ്രദേശങ്ങളിലും പോരാട്ടം രൂക്ഷമാണ്. ലതാകിയയിലും ത്വര്ത്തൂസിലും കര്ഫ്യൂ ഏര്പ്പെടുത്തിയിട്ടുണ്ട്.
സിറിയയിലെ പുതിയ ഭരണകൂടത്തിന് കീഴില് തങ്ങള് വ്യാപകമായി പീഡിപ്പിക്കപ്പെടുന്നതായാണ് അലവൈത്ത് സമൂഹത്തിന്റെ ആരോപണം. അസദിന്റെ ഭരണകാലത്ത് സൈന്യത്തിലും മറ്റു ഭരണവകുപ്പുകളിലും അലവൈത്ത് സമൂഹത്തിന് വലിയ പ്രാതിനിധ്യമുണ്ടായിരുന്നു. അതേസമയം, സൈനികരും സാധാരണക്കാരും ആയുധധാരികളുമടക്കം ഏറ്റുമുട്ടലില് 120ലധികം പേര് കൊല്ലപ്പെട്ടതായാണ് സിറിയയിലെ യുദ്ധനിരീക്ഷക മനുഷ്യാവകാശ സംഘടന പറയുന്നത്.
Latest
കളമശ്ശേരി എടയാര് വ്യവസായ മേഖലയില് വന് തീപിടിത്തം; ഒരു മരണം
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് മരിച്ചു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
ശബരിമല കൊടിമര പുനഃപ്രതിഷ്ഠ; അന്വേഷണ റിപ്പോര്ട്ട് ഇന്ന് വിജിലന്സ് ഹൈക്കോടതിയില് സമര്പ്പിക്കും
