Kerala
സംസ്ഥാനത്ത് ഇന്ന് കനത്ത മഴക്ക് സാധ്യത; ഏഴ് ജില്ലകളില് യെല്ലോ അലേര്ട്ട്
ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം ജില്ലകളിലാണ് യെല്ലോ അലേര്ട്ട്.
തിരുവനന്തപുരം | സംസ്ഥാനത്ത് ഇന്നും കനത്ത മഴക്ക് സാധ്യത പ്രവചിച്ച് കാലാവസ്ഥാ നിരീക്ഷണ കേന്ദ്രം. മഴ സാധ്യത മുന്നിര്ത്തി സംസ്ഥാനത്തെ ഏഴ് ജില്ലകളില് യെല്ലോ അലേര്ട്ട് പ്രഖ്യാപിച്ചു. ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം ജില്ലകളിലാണ് യെല്ലോ അലേര്ട്ട്. മഴക്കൊപ്പം ശക്തമായ കാറ്റ് വീശാനുള്ള സാധ്യത നിലനില്ക്കുന്നതിനാല് കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനം നിയന്ത്രണം ഏര്പ്പെടുത്തിയിട്ടുണ്ട്.
ആഗസ്റ്റ് രണ്ടു വരെ ശക്തമായ മഴക്ക് സാധ്യതയുണ്ടെന്നും മുന്നറിയിപ്പുണ്ട്. ആഗസ്റ്റ് ഒന്ന് മുതല് മൂന്ന് വരെയുള്ള ദിവസങ്ങളില് ഒറ്റപ്പെട്ടയിടങ്ങളില് അതിശക്തമായ മഴക്ക് സാധ്യതയുണ്ട്. മധ്യ തെക്കന് ബംഗാള് ഉള്ക്കടലില് ചക്രവാതച്ചുഴി നിലനില്ക്കുന്നതാണ് സംസ്ഥാനത്ത് ശക്തമായ മഴക്ക് ഇടയാക്കുന്നത്.