Kerala
നിയമസഭാ തെരഞ്ഞെടുപ്പ്: കോണ്ഗ്രസ് സിറ്റിങ് എംഎല്എമാരില് ഭൂരിഭാഗവും വീണ്ടും മത്സരിക്കും
തൃപ്പൂണിത്തുറ എംഎല്എ കെ ബാബു, എല്ദോസ് കുന്നപ്പിള്ളി (പെരുമ്പാവൂര്), ഐ സി ബാലകൃഷ്ണന് (സുല്ത്താന് ബത്തേരി) എന്നിവരുടെ സ്ഥാനാര്ഥിത്വത്തില് അനിശ്ചിതത്വവും നിലനില്ക്കുന്നു.
തിരുവനന്തപുരം| നിയമസഭാ തെരഞ്ഞെടുപ്പില് കോണ്ഗ്രസ് സിറ്റിങ് എംഎല്എമാരില് ഭൂരിഭാഗവും വീണ്ടും മത്സരിച്ചേക്കുമെന്ന് വിവരം. സ്ത്രീകള്ക്കും യുവാക്കള്ക്കും കൂടുതല് പ്രാധാന്യം നല്കുമെന്ന് പ്രതിപക്ഷ നേതാവ് വി ഡി സതീശന് ഉള്പ്പെടെയുള്ളവര് വ്യക്തമാക്കുന്നതിനിടെയാണ് സിറ്റിങ് എംഎല്മാരും മത്സരരംഗം ഉറപ്പിക്കുന്നത്. തെരഞ്ഞെടുപ്പില് സിറ്റിങ് എംഎല്എമാരെ നിലനിര്ത്തുന്നത് ഗുണം ചെയ്യുമെന്നാണ് നേതൃത്വത്തിന്റെ വിലയിരുത്തല്.
പാര്ട്ടിയില് നിന്നും പുറത്താക്കപ്പെട്ട പാലക്കാട് എംഎല്എ രാഹുല് മാങ്കൂട്ടത്തിലിനെ ഒഴിച്ചു നിര്ത്തിയാല് 21 എംഎല്എമാരാണ് കേരളത്തില് കോണ്ഗ്രസിനുള്ളത്. ഇതില് തൃപ്പൂണിത്തുറ എംഎല്എ കെ ബാബു, എല്ദോസ് കുന്നപ്പിള്ളി (പെരുമ്പാവൂര്), ഐ സി ബാലകൃഷ്ണന് (സുല്ത്താന് ബത്തേരി) എന്നിവരുടെ സ്ഥാനാര്ഥിത്വത്തില് അനിശ്ചിതത്വവും നിലനില്ക്കുന്നു.
ആരോഗ്യപരമായ കാരണങ്ങളാല് മത്സരത്തിനില്ലെന്നാണ് കെ ബാബുവിന്റെ നിലപാട്. മത്സരിപ്പിക്കാന് കെ ബാബുവിനും കെപിസിസിക്കും മേല് സമ്മര്ദ്ദമുണ്ട്. വയനാട്ടിലെ സംഘടനാ പ്രശ്നമാണ് ഐ സി ബാലകൃഷ്ണന് തിരിച്ചടിയാകുന്നത്. ലൈംഗിക പീഡന ആരോപണമാണ് എല്ദോസ് കുന്നപ്പിള്ളിലിന് മുന്നിലെ തടസം. പെരുമ്പാവൂരില് പാര്ട്ടി ഒരു ബദല് സ്ഥാനാര്ത്ഥിയെ അന്വേഷിച്ചേക്കുമെന്നാണ് സൂചന.
Latest
കെ ടെറ്റ് നിര്ബന്ധമാക്കിയ ഉത്തരവ് താല്ക്കാലികമായി മരവിപ്പിച്ചു; നടപടി അധ്യാപക സംഘടനകളുടെ എതിര്പ്പിനെ തുടര്ന്ന്
തൊണ്ടിമുതല് കേസ്; ആന്റണി രാജു കുറ്റക്കാരനെന്ന് കോടതി
പാര്ട്ടി മത്സരിക്കണമെന്ന് പറഞ്ഞാല് എത്ര പ്രയാസമുണ്ടെങ്കിലും മത്സരിക്കും; എ കെ ശശീന്ദ്രന്
വോട്ട് കോഴ ആരോപണം: കൈക്കൂലി വാങ്ങിയതായി തെളിവ് ലഭിച്ചില്ല; പ്രാഥമിക അന്വേഷണ റിപ്പോര്ട്ട് ഇന്ന് സമര്പ്പിക്കും
നിയമസഭാ തെരഞ്ഞെടുപ്പ്: കോണ്ഗ്രസ് സിറ്റിങ് എംഎല്എമാരില് ഭൂരിഭാഗവും വീണ്ടും മത്സരിക്കും
രാഹുല് മാങ്കൂട്ടത്തിലിനെതിരായ ആദ്യ ലൈംഗികാതിക്രമക്കേസ്; രണ്ടാം പ്രതി ജോബിയുടെ ജാമ്യാപേക്ഷയില് വിധി ഇന്ന്
