National
സ്പാനിഷ് യുവതിയെ ഝാര്‍ഖണ്ഡില്‍ കൂട്ടബലാല്‍സംഗം ചെയ്ത കേസിലെ എല്ലാ പ്രതികളും പിടിയില്‍
തനിക്കെതിരേ അതിക്രമം കാട്ടിയവരെ മാത്രം കുറ്റപ്പെടുത്തിയാല്‍ മതിയെന്നും ഇതിന്റെ പേരില്‍ ഇന്ത്യക്കാരെ മുഴുവന്‍ കുറ്റപ്പെടുത്തേണ്ടതില്ലെന്നും ഝാര്‍ഖണ്ഡില്‍ നിന്നും മടങ്ങുന്നതിനു മുമ്പേ ബലാത്സംഗത്തിനിരയായ വനിത മാധ്യമങ്ങളോട് പ്രതികരിച്ചിരുന്നു
റാഞ്ചി | ഝാര്‍ഖണ്ഡില്‍ മാര്‍ച്ച് ഒന്നിന് വിദേശവനിതയെ കൂട്ടബലാത്സംഗം ചെയ്ത കേസിലെ എല്ലാപ്രതികളെയും പോലീസ് പിടികൂടി. കേസില്‍മൂന്നു പ്രതികളെ പോലീസ് ആദ്യം പിടികൂടിയിരുന്നു. നിലവില്‍ അഞ്ച്‌പേരുടെ അറസ്റ്റാണ് രേഖപ്പെടുത്തിയിരിക്കുന്നത്. അതേസമയം പീഢനത്തിനിരയായ സ്പാനിഷ് വനിത ഭര്‍ത്താവിനൊപ്പം ഝാര്‍ഖണ്ഡില്‍നിന്ന് നേപ്പാളിലേക്ക് യാത്രതിരിച്ചു. പോലീസ് സുരക്ഷയോടെയാണ് ദമ്പതിമാര്‍ ബൈക്കില്‍ നേപ്പാളിലേക്ക് പുറപ്പെട്ടത്.
ഭര്‍ത്താവിനൊപ്പം സഞ്ചരിക്കുന്നതിനിടെ ധുംകയില്‍ വെച്ചാണ് സ്പാനിഷ് വനിതയ്ക്ക് നേരെ അതിക്രമമുണ്ടായത്. തുടര്‍ന്ന് ദമ്പതികള്‍ പോലീസില്‍ വിവരം അറിയിക്കുകയായിരുന്നു. ഏഴുപേരാണ് ബലാത്സംഗം ചെയ്തതെന്നും ഇവര്‍ക്ക് സഹായം നല്‍കിയതാണ് എട്ടാംപ്രതിക്കെതിരേയുള്ള കുറ്റമെന്നും പോലീസ് പറഞ്ഞു. ബലാത്സംഗത്തിനിരയായ വിദേശവനിതയ്ക്ക് ജില്ലാ ഭരണകൂടം പത്തുലക്ഷം രൂപ നഷ്ടപരിഹരമായി അനുവദിച്ചിരുന്നു.
അതേസമയം തനിക്കെതിരേ അതിക്രമം കാട്ടിയവരെ മാത്രം കുറ്റപ്പെടുത്തിയാല്‍ മതിയെന്നും ഇതിന്റെ പേരില്‍ ഇന്ത്യക്കാരെ മുഴുവന്‍ കുറ്റപ്പെടുത്തേണ്ടതില്ലെന്നും ബലാത്സംഗത്തിനിരയായ വനിത മാധ്യമങ്ങളോട് പ്രതികരിച്ചിരുന്നു.കൂടാതെ ഝാര്‍ഖണ്ഡില്‍നിന്ന് മടങ്ങുന്നതിന് മുമ്പ് വിദേശവനിതയും ഭര്‍ത്താവും അധികൃതരെ കാണാനെത്തുകയും കേസിലെ ഇടപെടലിന് അധികൃതരെ അഭിനന്ദിക്കുകയും ചെയ്തിരുന്നു.
Latest
പിടിച്ചെടുത്ത ഇസ്‌റാഈല്‍ ബന്ധമുള്ള ചരക്ക് കപ്പല്‍ വിട്ടയക്കുമെന്ന് ഇറാന്‍; കപ്പലില്‍ 17 ഇന്ത്യക്കാര്‍
മാധ്യമപ്രവര്‍ത്തകരാകാന്‍ മോഹമുണ്ടോ? പ്ലസ് ടു കഴിഞ്ഞവര്‍ക്കും മാധ്യമ പഠനം സാധ്യമാണ്
ഗസ്സയില്‍ ആക്രമണത്തില്‍ കൊല്ലപ്പെട്ട യുവതിയുടെ ഗര്‍ഭപാത്രത്തില്‍ നിന്നും രക്ഷപ്പെടുത്തിയ കുഞ്ഞ് മരിച്ചു
പാലക്കാട് പന്നിയുടെ ആക്രമണത്തില്‍ വീട്ടമ്മക്ക് പരുക്കേറ്റു
ക്ഷീണമകറ്റാന്‍ പഞ്ചസാര കഴിക്കുന്നുണ്ടോ എന്നാല്‍ ഇക്കാര്യങ്ങള്‍ സൂക്ഷിച്ചോളൂ
മമതാ ബാനര്‍ജിക്ക് ഹെലികോപ്റ്ററില്‍ കയറുന്നതിനിടെ വീണ് പരുക്കേറ്റു
