Kerala
നടി ആക്രമിക്കപ്പെട്ട കേസ്; മാര്ട്ടിന് ആന്റണിയുടെ അപ്പീല് ഹരജി പരിഗണിക്കുന്നത് മാറ്റിവെച്ചു
കേസില് ഇതുവരെ മൂന്ന് പ്രതികളാണ് ശിക്ഷ റദ്ദ് ചെയ്യണമെന്ന് ആവശ്യപ്പെട്ട് ഹൈക്കോടതിയെ സമീപിച്ചിട്ടുള്ളത്
കൊച്ചി | നടി ആക്രമിക്കപ്പെട്ട കേസില് ശിക്ഷിക്കപ്പെട്ട രണ്ടാം പ്രതി മാര്ട്ടിന് ആന്റണിയുടെ അപ്പീല് ഹരജി പരിഗണിക്കുന്നത് മാറ്റി. ഫെബ്രുവരി നാലിലേക്കാണ് ഹൈക്കോടതി കേസ് മാറ്റിയത്. ഗൂഢാലോചന അടക്കമുള്ള വകുപ്പുകള് നിലനില്ക്കില്ല എന്ന് ചൂണ്ടിക്കാണിച്ചാണ് ഹരജി. കേസില് ഇതുവരെ മൂന്ന് പ്രതികളാണ് ശിക്ഷ റദ്ദ് ചെയ്യണമെന്ന് ആവശ്യപ്പെട്ട് ഹൈക്കോടതിയെ സമീപിച്ചിട്ടുള്ളത്. മറ്റ് രണ്ട് പ്രതികളുടെയും അപ്പീല് ഹരജികള്ക്കൊപ്പമായിരിക്കും മാര്ട്ടിന് ആന്റണിയുടെ ഹര്ജിയും പരിഗണിക്കുക.
അതേസമയം, നടി ആക്രമിക്കപ്പെട്ട കേസുമായി ബന്ധപ്പെട്ടുള്ള കോടതി അലക്ഷ്യ ഹരജികള് പ്രിന്സിപ്പല് സെഷന്സ് കോടതി ഇന്ന് പരിഗണനക്കെടുത്തിരുന്നു. കേസില് കുറ്റവിമുക്തനായ ദിലീപ് നല്കിയ ഹരജികളാണ് കോടതി പരിഗണിക്കുക. അന്വേഷണ ഉദ്യോഗസ്ഥനായ ബൈജു പൗലോസ്, ചില മാധ്യമ സ്ഥാപനങ്ങള് എന്നിവര്ക്കെതിരെയാണ് കോടതി അലക്ഷ്യ ഹര്ജി.
Latest
കൈക്കൂലി കേസില് മുന് വില്ലേജ് ഓഫീസര്ക്ക് ആറ് വര്ഷം കഠിന തടവും പിഴയും
ജോസ് കെ മാണി എല് ഡി എഫില് സജീവം; മറിച്ചുള്ള വാര്ത്തകള് ഊഹാപോഹങ്ങള്: എം എ ബേബി
മണ്ഡല മാറ്റമെന്നത് മാധ്യമ വാര്ത്തകള് മാത്രം; വേങ്ങരയില് നിന്നുതന്നെ ജനവിധി തേടുമെന്ന് പി കെ കുഞ്ഞാലിക്കുട്ടി
ഇരിട്ടിയില് എംഎസ്എഫ് പ്രവര്ത്തകന് വെട്ടേറ്റു
ചേലക്കര ഗ്രാമപഞ്ചായത്ത് പ്രസിഡന്റ് തിരഞ്ഞെടുപ്പ്; യുഡിഎഫ് സ്ഥാനാര്ഥിക്ക് വോട്ട് ചെയ്ത എല്ഡിഎഫ് അംഗം രാജിവെച്ചു
രാഹുല് മാങ്കൂട്ടത്തില് ജയിലില് തുടരും; ജാമ്യ ഹരജി കോടതി പരിഗണിക്കുക നാളെ പോലീസ് റിപ്പോര്ട്ട് കിട്ടിയ ശേഷം
