നിര്‍ത്തിയിട്ട കാറിനുള്ളില്‍ യുവാവ് മരിച്ച നിലയില്‍; ഒരാള്‍ അവശ നിലയില്‍

ആലപ്പുഴ | നിര്‍ത്തിയിട്ട കാറിനുള്ളില്‍ യുവാവിനെ മരിച്ച നിലയില്‍ കണ്ടെത്തി. തൈക്കാട്ടുശ്ശേരി പുറമട വീട്ടില്‍ ആന്റണിയുടെ മകന്‍ ജോസി (45) ആണ് മരിച്ചത്.

കൂടെയുണ്ടായിരുന്ന പുന്നപ്പൊഴിയില്‍ മനോജ് എന്നയാളെ അവശനിലയില്‍ കണ്ടെത്തി.
ഇന്ന് വൈകിട്ട് ഏഴ് മണിയോടെ മണിയാതൃക്കലിന് സമീപത്താണ് സംഭവം. ഉച്ചമുതല്‍ വാഹനം ഇവിടെ പാര്‍ക്ക് ചെയ്തിരിക്കുകയായിരുന്നു. സംശയം തോന്നി നാട്ടുകാര്‍ കാറിനടുത്തെത്തി പരിശോധിച്ചപ്പോഴാണ് ജോസി മരിച്ച നിലയിലും മനോജിനെ അവശനിലയിലും കണ്ടെത്തുന്നത്.

മെക്കാനിക്കിന്റെ സഹായത്തോടെയാണ് കാര്‍ തുറന്ന് ഇരുവരെയും പുറത്തെത്തിച്ചത്. സംഭവത്തില്‍ പൂച്ചാക്കല്‍ പോലീസ് അന്വേഷണം ആരംഭിച്ചു. ജോസിയുടെ പോസ്റ്റുമോര്‍ട്ടം നാളെ നടക്കും.