Kerala
ഭൂപരിധി നിയമം മറികടക്കാന് വന് ക്രമക്കേട് നടത്തി; പി വി അന്വര് എംഎല്എക്കെതിരെ ലാന്ഡ് ബോര്ഡ് റിപ്പോര്ട്ട്
മിച്ചഭൂമി കേസില് താമരശ്ശേരി ലാന്ഡ് ബോര്ഡ് ഇന്ന് നടത്തിയ സിറ്റിങിലാണ് റിപ്പോര്ട്ട് സമര്പ്പിച്ചത്
കോഴിക്കോട് | നിലമ്പൂര് എംഎല്എ പിവി അന്വറിനെതിരെ ഗുരുതര കണ്ടെത്തലുമായി താമരശ്ശേരി താലൂക്ക് ലാന്ഡ് ബോര്ഡിന്റെ റിപ്പോര്ട്ട്. ഭൂപരിധി നിയമം മറികടക്കാനായി പി വി അന്വര് എംഎല്എ വന് ക്രമക്കേടുകള് നടത്തിയെന്നാണ് ലാന്ഡ് ബോര്ഡ് ഓതറൈസിഡ് ഓഫീസര് സമര്പ്പിച്ച റിപ്പോര്ട്ടില് പറയുന്നത്.പിവി അന്വറിന് എതിരായ മിച്ചഭൂമി കേസില് താമരശ്ശേരി ലാന്ഡ് ബോര്ഡ് ഇന്ന് നടത്തിയ സിറ്റിങിലാണ് റിപ്പോര്ട്ട് സമര്പ്പിച്ചത്.
അന്വറിന്റെയും ഭാര്യയുടേയും പേരിലുള്ള പിവിആര് എന്റര്ടെയ്ന്മെന്റ് പാര്ട്ണര്ഷിപ് സംരഭത്തി സംബന്ധിച്ച നടത്തിയ അന്വേഷണത്തിലാണ് ഇക്കാര്യങ്ങള് വ്യക്തമായിരിക്കുന്നത്.
സ്ഥാപനം പാര്ട്ണര്ഷിപ് ആക്ട് പ്രകാരം രജിസ്റ്റര് ചെയ്തിട്ടില്ലെന്നും ഇത് തുടങ്ങിയത് ചട്ടം മറികടക്കാന് വേണ്ടിയാണെന്നും റിപ്പോര്ട്ടില് പറയുന്നു. ഇതുവരെ എംഎല്എയോ കുടുംബാംഗങ്ങളോ കൈവശമുള്ള ഭൂമി സംബന്ധിച്ച രേഖകള് ലാന്ഡ് ബോര്ഡിനു മുന്പാകെ സമര്പ്പിച്ചിട്ടില്ല. അന്വറിന്റേയും കുടുംബത്തിന്റേയും പക്കല് 19 ഏക്കര് മിച്ചഭൂമി ഉണ്ടെന്നു ലാന്ഡ് ബോര്ഡ് കണ്ടെത്തിയിരുന്നു.