National
അവിഹിത ബന്ധം അവസാനിപ്പിക്കാന്‍ ശ്രമം; 33 കാരിയായ വീട്ടമ്മയെ 25 കാരന്‍ ഹോട്ടല്‍ മുറിയില്‍ കുത്തിക്കൊന്നു
ബംഗളുരു കേംഗേരി സ്വദേശിനിയായ ഹരിനി(33) ആണ് പൂര്‍ണ പ്രജ്‌ന ലേഔട്ടിലെ ഒരു ഓയോ ഹോട്ടല്‍ മുറിയില്‍ കൊല്ലപ്പെട്ടത്
ബംഗളുരു | അവിഹിത ബന്ധത്തില്‍ നിന്ന് പിന്മാറാന്‍ ശ്രമിച്ച വീട്ടമ്മയായ യുവതിയെ കാമുകന്‍ ഹോട്ടല്‍ മുറിയില്‍ കുത്തിക്കൊന്നു. ബംഗളുരു കേംഗേരി സ്വദേശിനിയായ ഹരിനിയെ (33) ആണ് പൂര്‍ണ പ്രജ്‌ന ലേഔട്ടിലെ ഒരു ഓയോ ഹോട്ടല്‍ മുറിയില്‍ കൊല്ലപ്പെട്ട നിലയില്‍ കണ്ടെത്തിയത്. കൃത്യം നടത്തിയ ശേഷം 25കാരനായ യശസ് ഒളിവില്‍ പോയി.
വിവാഹിതയും രണ്ട് കുട്ടികളുടെ അമ്മയുമായ ഹരിനിയും യശസ്സും തമ്മില്‍ അടുപ്പത്തിലായിരുന്നു. ഈ ബന്ധം വീട്ടില്‍ അറിഞ്ഞതോടെ ഹരിനി യശസ്സില്‍ നിന്ന് അകലാന്‍ ശ്രമിച്ചതാണ് കൊലപാതകത്തിനു കാരണമെന്നാണ് പോലീസ് പറയുന്നത്. വെള്ളിയാഴ്ചയാണ് ഇവര്‍ ഹോട്ടലില്‍ എത്തിയത്. രാത്രി ഹരിനിയെ കുത്തിക്കൊലപ്പെടുത്തിയ ശേഷം യശസ് രക്ഷപ്പെടുകയായിരുന്നു. വെള്ളിയാഴ്ച രാത്രി നടന്ന കൊലപാതകം രണ്ട് ദിവസങ്ങള്‍ക്ക് ശേഷമാണ് പുറത്തറിഞ്ഞത്.
ബംഗളുരു സുബ്രമണ്യപുര പോലീസ് കേസ് രജിസ്റ്റര്‍ ചെയ്ത് പ്രതിക്കായി അന്വേഷണം തുടങ്ങി. യുവതിയുടെ ശരീരത്തില്‍ 17 തവണ കത്തേറ്റിട്ടുണ്ടെന്ന് പരിശോധനയില്‍ കണ്ടെത്തിയതായി ബംഗളുരു സൗത്ത് ഡെപ്യൂട്ടി പോലീസ് കമ്മീഷണര്‍ ലോകേഷ് ബി ജഗലസര്‍ പറഞ്ഞു.
Latest
പന്നിക്കെണി: വൈദ്യുതി മോഷണം സംബന്ധിച്ച് ഇതുവരെ ഒരു പരാതിയും ലഭിച്ചിട്ടില്ലെന്ന് കെ എസ് ഇ ബി
തീപ്പിടിച്ച കപ്പലില്‍ നിന്ന് ചാടി രക്ഷപ്പെട്ടവര്‍ക്ക്‌ ചികിത്സ മംഗളൂരുവില്‍; നാല് പേരെ ഇനിയും കണ്ടെത്താനായില്ല
നിലമ്പൂര്‍: പി ഡി പി പിന്തുണ ഇടതു മുന്നണിക്ക്
ഇന്ധനക്ഷാമവും ആക്രമണവും അതിരൂക്ഷം; ഗസ്സയിലെ ആശുപത്രികള്‍ പൂര്‍ണമായും നിലച്ചേക്കും
സി ബി ഐ അന്വേഷണ ആവശ്യം; മാധ്യമ പ്രവര്‍ത്തകന്‍ എം ആര്‍ അജയന്‍ നല്‍കിയ ഹരജി രാഷ്ട്രീയ ആക്രമണം ലക്ഷ്യമിട്ടുള്ളതാണെന്ന് മുഖ്യമന്ത്രി
ഭാര്യയെ കൊന്നത് മറ്റൊരാളുടെ ബൈക്കിനു പിന്നില്‍ യാത്ര ചെയ്തതു കണ്ടതിനാലെന്ന് ഭര്‍ത്താവിന്റെ മൊഴി
