National
കര്‍ഷകരുടെ പാര്‍ലമെന്റ് മാര്‍ച്ച് നാളെ; അതീവ ജാഗ്രതയില്‍ സംഘടനകള്‍
ന്യൂഡല്‍ഹി | ഡല്‍ഹിയില്‍ സമരം തുടരുന്ന കര്‍ഷകര്‍ നാളെ പാര്‍ലമെന്റ് മാര്‍ച്ച് നടത്തും. മാര്‍ച്ചിനിടെ അട്ടിമറി ഒഴിവാക്കാന്‍ അതീവ ജാഗ്രതയിലാണ് കര്‍ഷക സംഘടനകള്‍. പ്രതിഷേധത്തില്‍ പങ്കെടുക്കുന്ന കര്‍ഷകരുടെ പട്ടികയുണ്ടാക്കും. ഇരുന്നുറ് കര്‍ഷകരും അഞ്ച് കര്‍ഷക സംഘടനാ നേതാക്കളുമാണ് ഓരോ ദിവസമവും സമരത്തില്‍ പങ്കെടുക്കുക.
സമരത്തില്‍ പങ്കെടുക്കുന്നവരുടെ തിരിച്ചറിയല്‍ രേഖ പോലീസിന് കൈമാറും. മുന്‍കൂട്ടി നിശ്ചയിക്കുന്നവര്‍ മാത്രമാവും സമരത്തില്‍ പങ്കെടുക്കുക. മാര്‍ച്ചില്‍ നുഴഞ്ഞുകയറി അട്ടിമറിക്കാനുള്ള ശ്രമങ്ങള്‍ തടയാനാണ് ഈ നടപടിയെന്ന് സംയുക്ത കിസാന്‍ മോര്‍ച്ച നേതാക്കള്‍ അറിയിച്ചു. ആഗസ്റ്റ് 19 വരെയാണ് സമരം.
കഴിഞ്ഞ റിപ്പബ്ലിക് ദിനത്തില്‍ നടന്ന സംഭവങ്ങളുടെ പശ്ചാത്തലത്തിലാണ് സംഘടനകള്‍ കൂടുതല്‍ ജാഗ്രതയിലേക്ക് നീങ്ങുന്നത്. അന്ന് ട്രാക്ടര്‍ റാലിയില്‍ അക്രമമുണ്ടാകുകയും ഒരു കര്‍ഷകന്‍ മരിക്കുകയും ചെയ്തിരുന്നു.
കാര്‍ഷിക ബില്ലുകള്‍ക്കെതിരെ എട്ടു മാസം മുമ്പ് ആരംഭിച്ച സമരം ഇപ്പോഴും തുടരുകയാണ് കര്‍ഷക സംഘടനകള്‍.
Latest
അവസാനം അത് സംഭവിച്ചു; വുകോമനോവിചുമായി വേര്‍പിരിഞ്ഞ് ബ്ലാസ്റ്റേഴ്‌സ്
കല്‍പ്പറ്റയില്‍ വാഹനാപകടം; യുവാവ് മരിച്ചു
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
