Saudi Arabia
യൂറോ കപ്പ് ഫൈനല്‍ ഒരുമിച്ച് വീക്ഷിച്ച് രാജകുമാരനും സുല്‍ത്താനും
നിയോം | യൂറോ കപ്പ് ഫൈനല്‍ ഒരുമിച്ച് വീക്ഷിച്ച് രാജകുമാരനും സുല്‍ത്താനും വാര്‍ത്തകളില്‍ ഇടം നേടി .ദ്വിദിന സന്ദര്‍ശനത്തിനായി സഊദി അറേബ്യയിലെത്തിയ ഒമാന്‍ ഭരണാധികാരി സുല്‍ത്താന്‍ ഹൈതം ബിന്‍ താരിഖും സഊദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനും നിയോം കൊട്ടാരത്തില്‍ വെച്ച് ഒരുമിച്ചിരുന്ന് യൂറോ കപ്പ് ഫൈനല്‍ മത്സരം കാണുന്ന വാര്‍ത്തയാണ് അറബ് മാധ്യമങ്ങളില്‍ ചര്‍ച്ചയായിരിക്കുന്നത്
ഫൈനല്‍ കാണാനായി കിരീടാവകാശി സുല്‍ത്താനെ നിയോമിലെ കൊട്ടാരത്തിലേക്ക് ക്ഷണിക്കുകയായിരുന്നു. കടുത്ത ഫുട്‌ബോള്‍ ആരാധകനാണ് കിരീടാവകാശി മുഹമ്മദ് ബിന്‍ സല്‍മാന്‍. പ്രൊഫഷണല്‍ ലീഗിന് ശേഷമുള്ള രാജ്യത്തെ രണ്ടാമത്തെ ലീഗ് മത്സരം കിരീടാവകാശിയുടെ പേരിലാണ് അറിയപ്പെടുന്നത് .2018 ല്‍ റഷ്യയില്‍ നടന്ന ലോകകപ്പ് മത്സരത്തില്‍ റഷ്യന്‍ പ്രസിഡന്റ് വ്ളാഡിമിര്‍ പുടിനൊപ്പം മത്സരം കാണാന്‍ രാജകുമാരന്‍ റഷ്യയിലെത്തിയിരുന്നു
1980ല്‍ ഒമാനി ഫുട്‌ബോള്‍ അസോസിയേഷന്റെ തലവനായി പ്രവര്‍ത്തിച്ചിരുന്ന ഒമാന്‍ സുല്‍ത്താന്‍ ഹൈതാമിനും കളിയോട് പ്രത്യേക താല്‍പ്പര്യമാണുള്ളത്. 2022 ലെ ലോകകപ്പ് യോഗ്യതാ മത്സരത്തില്‍ ഗ്രൂപ്പ് ബിയില്‍ ജപ്പാന്‍, ഓസ്ട്രേലിയ, സഊദി അറേബ്യ, ചൈന, വിയറ്റ്‌നാം എന്നീ രാജ്യങ്ങളോടാണ് ഒമാന്‍ ദേശീയ ടീം മത്സരിക്കുന്നത് .ഒമാന്‍ സുല്‍ത്താനായി ചുമതലയേറ്റ ശേഷമുള്ള സുല്‍ത്താന്റെ പ്രഥമ വിദേശ പര്യടനം കൂടിയായിരുന്നു സഊദിയിലേത്
Latest
ഹാരിസ് മികച്ച ഡോക്ടര്‍; വാക്കുകളില്‍ 'കുനിഷ്ട് ' ഉള്ളതായി തോന്നുന്നില്ല: ബിനോയ് വിശ്വം
വിസ്മയ കേസ് പ്രതിക്ക് ജാമ്യം; ശിക്ഷാ വിധിയും സുപ്രീം കോടതി മരവിപ്പിച്ചു
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
'തന്റേത് പ്രൊഫഷണല്‍ സൂയിസൈഡ്; പ്രതിസന്ധിയുണ്ടാക്കിയത് ഉദ്യോഗസ്ഥര്‍, മുഖ്യമന്ത്രി ഗുരുനാഥനാണ്'
