Kerala
സ്വകാര്യ അണ്‍ എയ്ഡഡ് സ്‌കൂളിന് കൊവിഡ് കാലത്ത് അംഗീകാരം; അന്വേഷിക്കണമെന്ന് അധ്യാപക സംഘടനകള്‍
പത്തനംതിട്ട | സര്‍ക്കാര്‍, എയ്ഡഡ് സ്‌കൂളുകള്‍ സംരക്ഷിക്കാനായി യജ്ഞം പ്രഖ്യാപിച്ച സര്‍ക്കാര്‍ ആരുമറിയാതെ സ്വകാര്യ വിദ്യാലയത്തിന് അംഗീകാരം നല്‍കി ഉത്തരവിറക്കി. പത്തനംതിട്ട ജില്ലയില്‍ ചിറ്റാര്‍ ഗവ.ഹയര്‍ സെക്കന്‍ഡറി സ്‌കൂളിന് സമീപം വര്‍ഷങ്ങളായി അംഗീകാരമില്ലാതെ പ്രവര്‍ത്തിച്ചു വന്നിരുന്ന അണ്‍ എയ്ഡഡ് വിദ്യാലയമായ ലിറ്റില്‍ എഞ്ചല്‍സ് ഇംഗ്ലീഷ് മീഡിയം സ്‌കൂളിന്റെ ഒമ്പത്, 10 ക്ലാസുകളിലേക്കാണ് അംഗീകാരം നല്‍കിയത്.
സര്‍ക്കാര്‍ ഹയര്‍ സെക്കന്‍ഡറി സ്‌കൂളടക്കം സമീപ പ്രദേശങ്ങളിലെ ഏഴോളം എയ്ഡഡ് ഹൈസ്‌കൂളുകളില്‍ നിന്നും വിദ്യാര്‍ഥികള്‍ ഇവിടേക്ക് മാറിയാല്‍ അവയുടെ നിലനില്‍പ്പിനേയും ഇത് ബാധിക്കും. മാറിമാറി വന്ന വിവിധ സര്‍ക്കാരുകളുടെ കാലത്ത് അംഗീകാരത്തിനായി ശ്രമിച്ചിട്ടും ലഭിക്കാതിരുന്ന അനുമതി കൊവിഡ് കാലത്ത് സംഘടിപ്പിച്ചതിന് പിന്നില്‍ വന്‍ അഴിമതിയാണ് നടന്നിരിക്കുന്നതെന്ന് അധ്യാപക സംഘടനാ നേതാക്കള്‍ ആരോപിക്കുന്നു. ഇവിടെ പത്താം ക്ലാസില്‍ പഠിക്കുന്ന കുട്ടികളെ ആലപ്പുഴ ജില്ലയിലെ ഓച്ചിറയിലുള്ള എയ്ഡഡ് സ്കൂളിലെത്തിച്ചായിരുന്നു പരീക്ഷ എഴുതിച്ചിരുന്നത്.
ഹയര്‍ സെക്കന്‍ഡറി ഇല്ലാത്ത പഞ്ചായത്തുകളില്‍ സ്‌കൂളുകള്‍ അനുവദിക്കാന്‍ കോടതി ഉത്തരവുണ്ടായിട്ടും സര്‍ക്കാര്‍ അതിനു തയ്യാറാവുന്നില്ലെന്നുള്ളതും ശ്രദ്ധേയമാണ്. ഈ സാഹചര്യത്തില്‍ സമീപ സര്‍ക്കാര്‍, എയ്ഡഡ് സ്‌കൂളുകള്‍ക്ക് ഭീക്ഷണിയായി പത്തനംതിട്ട ജില്ലയില്‍ സ്വകാര്യ വിദ്യാലയത്തിന് അംഗീകാരം നല്‍കിയതിന് പിന്നിലെ അഴിമതി അന്വേഷിക്കണമെന്നും ഇതില്‍ ജില്ലയിലെ പൊതുവിദ്യാഭ്യാസ സംരക്ഷണ യജ്ഞം കോ ഓര്‍ഡിനേറ്ററും ഭരണകക്ഷി അധ്യാപക സംഘടനാ ഭാരവാഹികളും നയം വ്യക്തമാക്കണമെന്നും കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ ജില്ലാ പ്രസിഡന്റ് എസ് പ്രേം, സെക്രട്ടറി വി ജി കിഷോര്‍ എന്നിവര്‍ ആവശ്യപ്പെട്ടു.
Latest
കോഴിക്കോട്ട് പുതിയങ്ങാടിയില്‍ ബൈക്കില്‍ കാറിടിച്ച് ബൈക്ക് യാത്രക്കാരന്‍ മരിച്ചു
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
