ജനവിരുദ്ധ നയങ്ങളിൽ നിന്ന് കേന്ദ്ര സർക്കാർ പിന്മാറണം: എസ്‌ എസ്‌ എഫ്‌ 

കോഴിക്കോട്‌ | കേന്ദ്ര സര്‍ക്കാറിന്റെ ജനവിരുദ്ധ നയങ്ങള്‍ക്കെതിരെ “രാജ്യം ബഹളം വെക്കുന്നു” എന്ന ശീർഷകത്തിൽ എസ് എസ് എഫ് സംഘടിപ്പിച്ച സമര ദിനത്തിന്റെ ഭാഗമായി ജില്ലയിലെ യൂണിറ്റ് കേന്ദ്രങ്ങളില്‍ പ്രതിഷേധം സംഘടിപ്പിച്ചു. രാജ്യത്തെ സാധാരണ ജനങ്ങളുടെ സ്വൈര്യ ജീവിതം കെടുത്തുന്ന നിയമങ്ങളും നടപടികളുമായി കേന്ദ്ര സർക്കാർ മുന്നോട്ടു പോവുകയാണെന്നും ജനവിരുദ്ധ നയങ്ങളില്‍ നിന്ന് സര്‍ക്കാര്‍ പിന്മാറണമെന്നും സമരം ആവശ്യപ്പെട്ടു. പ്രവര്‍ത്തകര്‍ വീടുകൾക്ക് മുന്നില്‍ പ്ലക്കാര്‍ഡുകള്‍ ഉയര്‍ത്തിയും കൊവിഡ്‌ മാനദണ്ഡങ്ങൾ പാലിച്ച്‌ ചെറു സംഘങ്ങളായി തെരുവിലിറങ്ങിയും സമരത്തിൽ പങ്കുചേർന്നു.