Health
കൊവിഡ് വാക്‌സിന്‍ പുരുഷന്മാരുടെ പ്രത്യുത്പാദനക്ഷമതയെ ബാധിക്കില്ലെന്ന് പഠന റിപ്പോര്‍ട്ട്
ന്യൂഡല്‍ഹി | കൊറോണ വൈറസിനെതിരായ വാക്‌സിനുകള്‍ സ്വീകരിക്കുന്നത് പുരഷന്മാരുടെ പ്രത്യുത്പാദനക്ഷമതയെ ബാധിക്കില്ലെന്ന് പഠന റിപ്പോര്‍ട്ട്. രണ്ട് ഡോസ് എംആര്‍എന്‍എ വാക്‌സിനുകള്‍ സ്വീകരിച്ചതിന് ശേഷം സന്നദ്ധപ്രവര്‍ത്തകരില്‍ നടത്തിയ പരിശോധനയിലാണ് ഇക്കാര്യം കണ്ടെത്തിയത്. വാക്‌സിന്‍ സ്വീകരിച്ച ശേഷവും ഇവരില്‍ ശുക്ലത്തിന്റെ അളവ് ആരോഗ്യകരമായ നിലയിലാണെന്ന് കണ്ടെത്തി.
45 സന്നദ്ധപ്രവര്‍ത്തകരില്‍ മിയാമി യൂണിവേഴ്‌സിറ്റിയിലെ ഗവേഷകരാണ് പഠനം നടത്തിയത്. വാക്‌സിനുകള്‍ സ്വീകരിക്കുന്നതിന് മുമ്പും ശേഷവുമുള്ള ശുക്ലത്തിന്റെ ആരോഗ്യസ്ഥിതി വിലയിരുത്തുന്നതാണ് പഠനം. വാക്‌സിന്‍ പുരുഷന്മാരുടെ പ്രത്യുത്പാദന ശേഷിയെ ബാധിക്കുമെന്ന പ്രചാരണം ശക്തമായിരുന്നു.
45 പേരില്‍ 21 പേര്‍ക്ക് ഫൈസര്‍ വാക്‌സിനും 24 പേര്‍ക്ക് മൊഡേണ വാക്‌സിനുമാണ് നല്‍കിയത്. ഇവരുടെ ബേസ്‌ലൈന്‍ ബീജ സാന്ദ്രതയും ടിഎംഎസ് സി (മൊത്തം മൊബൈല ബീജങ്ങളുടെ എണ്ണം) യും യഥാക്രമം 26 ദശലക്ഷം/എംഎല്ലും, 36 ദശലക്ഷവുമാണെന്ന് കണ്ടെത്തി. രണ്ട് ഡോക്‌സ് വാക്‌സിന്‍ ശ്വീകരിച്ച ശേഷം ചലിക്കുന്ന ബീജങ്ങളുടെ എണ്ണം 30 ദശലക്ഷം/മില്ലി ലീറ്ററും ടിഎംഎസ്‌സി 44 ദശലക്ഷവുമായി ഉയര്‍ന്നതായി “പിയര്‍ റിവ്യൂഡ് ജേണല്‍ ഓഫ് അമേരിക്കന്‍ മെഡിക്കല്‍ അസോസിയേഷനില്‍ (ജമാ) പ്രസിദ്ധീകരിച്ച പഠന റിപ്പോര്‍ട്ടില്‍ പറയുന്നു.
ബീജത്തിന്റെ അളവ് വര്‍ധിച്ചത് പതിവ് വ്യതിയാനത്തിന്റെ ഭാഗമാകാമെന്ന് ഗവേഷകര്‍ ചൂണ്ടിക്കാട്ടുന്നു.
Latest
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
