Connect with us

Ongoing News

യൂറോ കപ്പിലെ പുതുമുഖക്കാരായ വടക്കന്‍ മാസിഡോണിയയെ തകര്‍ത്ത് ഓസ്ട്രിയ

Published

|

Last Updated

ബുചാറെസ്റ്റ് | യൂറോ കപ്പിലെ പുതുമുഖ ടീമായ വടക്കന്‍ മാസിഡോണിയയെ ഒന്നിനെതിരെ മൂന്ന് ഗോളുകള്‍ക്ക് തകര്‍ത്ത് ഓസ്ട്രിയ. യൂറോ കപ്പിലെ ആദ്യ മത്സരത്തില്‍ വിജയം നേടുകയെന്ന നേട്ടം കൂടി സ്വന്തമാക്കിയിരിക്കുകയാണ് ഓസ്ട്രിയ. 18, 78, 89 മിനുട്ടുകളിലാണ് ഓസ്ട്രിയയുടെ സ്റ്റിഫാന്‍ ലെയ്‌നര്‍, മൈക്കല്‍ ഗ്രെഗോറിഷ്, മാര്‍കോ അര്‍ണോടോവിച്ച് എന്നിവര്‍ ഗോളുകള്‍ നേടിയത്.

28ാം മിനുട്ടില്‍ ഗോരന്‍ പാണ്‍ഡേവ് ആണ് വടക്കന്‍ മാസിഡോണിയയുടെ ആശ്വാസ ഗോള്‍ നേടിയത്. ഓസ്ട്രിയ ഗോള്‍ നേടി പത്ത് മിനുട്ടില്‍ തന്നെ സമനില ഗോള്‍ നേടാന്‍ മാസിഡോണിയക്ക് സാധിച്ചിരുന്നു. ഒന്നാം പകുതി സമനിലയിലാണ് അവസാനിച്ചത്.

ഒടുവില്‍ 78ാം മിനുട്ടിലാണ് സമനില ഭേദിക്കാന്‍ ഓസ്ട്രിയക്ക് സാധിച്ചത്. നിശ്ചിത സമയം പിന്നിട്ടപ്പോള്‍ റഫറി അഞ്ച് മിനുട്ട് അനുവദിച്ചെങ്കിലും ഇരുഭാഗത്തും ഗോളുകളൊന്നും വീണില്ല. മത്സരത്തിലുടനീളം ഓസ്ട്രിയക്ക് തന്നെയായിരുന്നു മേധാവിത്വം. അതേസമയം, ആദ്യ യൂറോയിൽ തന്നെ ഗോൾ നേടാനായെന്ന ആശ്വാസത്തിലാണ് വടക്കൻ മാസിഡോണിയ.