Kerala
ടെക്നിക്കല് സര്വകലാശാല സെമസ്റ്റര് പരീക്ഷ ഓണ്ലൈനായി ജൂണ് 15മുതല്
തിരുവനന്തപുരം | ടെക്നിക്കല് സര്വകലാശാലയിലെ അവസാന സെമസ്റ്റര് പരീക്ഷ ഓണലൈനായി നടത്തുമെന്ന് മുഖ്യമന്ത്രി പിണറായി വിജയന്. വിവിധ സര്വകലാശാലകളിലെ വിസിമാരുടെ യോഗം ഉന്നത വിദ്യാഭ്യാസമന്ത്രി വിളിച്ചു. ഓഫ് ലൈനായി പരീക്ഷ മതിയെന്നാണ് അവരുടെ അഭിപ്രായമെന്നും മുഖ്യമന്ത്രി പറഞ്ഞു.
കൊവിഡ് നിയന്ത്രണം മാറിയാല് ജൂണ് 15 മുതല് പരീക്ഷകള് ആരംഭിക്കാനാവും എന്നാണ് വിസിമാരുടെ വിലയിരുത്തല്. അതിനനുസരിച്ച് പരീക്ഷകള് തുടങ്ങും. കൊവിഡ് പ്രതിരോധ സാമാഗ്രികള്ക്ക് സര്ക്കാര് പൊതുവിപണിയില് വില നിശ്ചയിച്ചിട്ടുണ്ട്. എന്നാല് മെഡിക്കല് സ്റ്റോറുകളില് അടക്കം കൂടിയ വിലയ്ക്ക് ഇവ വില്ക്കുന്ന അവസ്ഥയുണ്ട്. ഇത്തരം നടപടികള് കണ്ടെത്താനായി പ്രത്യേക സംഘം എല്ലാ ജില്ലകളിലും പരിശോധന ആരംഭിച്ചിട്ടുണ്ട്. സ്ഥാപനങ്ങള് അടച്ചുപൂട്ടുന്നതടക്കമുള്ള നിയമനടപടികള് സ്വീകരിക്കാനാണ് നിര്ദേശം നല്കിയിരിക്കുന്നതെന്നും മുഖ്യമന്ത്രി പറഞ്ഞു