Kerala
കോഴിക്കോട്-പാലക്കാട് ഗ്രീന്‍ഫീല്‍ഡ് ദേശീയ പാത സ്വാഗതാര്‍ഹം; നിലവിലെ പാത സംരക്ഷിക്കപ്പെടണം: ഖലീല്‍ തങ്ങള്‍
മലപ്പുറം | പ്രധാന നഗരങ്ങളും ജനവാസ മേഖലകളും ഒഴിവാക്കിയുള്ള കോഴിക്കോട്-പാലക്കാട് ഗ്രീന്‍ഫീല്‍ഡ് ദേശീയ പാത സ്വാഗതാര്‍ഹമാണെന്നും എന്നാല്‍ നിലവിലെ കോഴിക്കോട്-രാമനാട്ടുകര-പെരിന്തല്‍മണ്ണ-പാലക്കാട് (966) ദേശീയ പാത സംരക്ഷിക്കപ്പെടണമെന്നും കേരള മുസ്്ലിം ജമാഅത്ത് സംസ്ഥാന ജനറല്‍ സെക്രട്ടറിയും മഅ്ദിന്‍ ചെയര്‍മാനുമായ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി ആവശ്യപ്പെട്ടു.
പുതിയ പാത യാഥാര്‍ത്ഥ്യമാകലോടെ നിലവിലെ പാതയെ തരംതാഴ്ത്തരുത്. ജില്ലാ കാര്യാലയങ്ങള്‍, എയര്‍പോര്‍ട്ട്, ടൂറിസ്റ്റ് കേന്ദ്രങ്ങള്‍, പ്രധാന ഹോസ്പിറ്റലുകള്‍, മാധ്യമ സ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍ തുടങ്ങി വിവിധ മേഖലകള്‍ ഉള്‍ക്കൊള്ളുന്നതാണ് നിലവിലെ പാത. ഈ പാതയെ ദേശീയ പാതയായി നില നിര്‍ത്തണമെന്നും ജനപ്രതിനിധികളും ഉത്തരവാദിത്തപ്പെട്ടവരും ഈ വിഷയത്തില്‍ ഇടപെടണമെന്നും അദ്ദേഹം കൂട്ടിച്ചേര്‍ത്തു.
വിഷയം മലപ്പുറം ലോക്‌സഭാ എം.പി അബ്ദുസ്സമദ് സമദാനി, ഉബൈദുള്ള എം.എല്‍.എ എന്നിവരുടെ ശ്രദ്ധയില്‍പ്പെടുത്തിയിട്ടുണ്ടെന്നും ഖലീല്‍ തങ്ങള്‍ പറഞ്ഞു.
Latest
വിസ്മയ കേസ് പ്രതിക്ക് ജാമ്യം; ശിക്ഷാ വിധിയും സുപ്രീം കോടതി മരവിപ്പിച്ചു
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
'തന്റേത് പ്രൊഫഷണല്‍ സൂയിസൈഡ്; പ്രതിസന്ധിയുണ്ടാക്കിയത് ഉദ്യോഗസ്ഥര്‍, മുഖ്യമന്ത്രി ഗുരുനാഥനാണ്'
ഈ മാസം മുതല്‍ സപ്ലൈകോ കെ റൈസ് എട്ട് കിലോ വീതം വിതരണം ചെയ്യും
