സി പി ഐ മന്ത്രിമാരെ തീരുമാനിച്ചു; പി പ്രസാദ്, കെ രാജന്‍, ചിഞ്ചുറാണി, ജി ആര്‍ അനില്‍

തിരുവനന്തപുരം | രണ്ടാം പിണറായി മന്ത്രിസഭയിലെ സി പി ഐ മന്ത്രിമാരുടെ കാര്യത്തില്‍ തീരുമാനമായി. സി പി ഐ എക്‌സിക്യൂട്ടീവ് യോഗമാണ് പാര്‍ട്ടിയുടെ മന്ത്രിസഭാ പ്രതിനിധികളെ തിരഞ്ഞെടുത്തത്. പി പ്രസാദ്, കെ രാജന്‍, ചിഞ്ചുറാണി, ജി ആര്‍ അനില്‍ എന്നിവരാണ് മന്ത്രിമാരാവുക. ചിറ്റയം ഗോപകുമാര്‍ ഡെപ്യൂട്ടി സ്പീക്കറും ഇ ചന്ദ്രശേഖരന്‍ നിയമസഭാ കക്ഷി നേതാവുമാകും.

പിളര്‍പ്പിന് ശേഷമുള്ള സി പി ഐയിലെ ആദ്യ വനിതാ മന്ത്രിയായിരിക്കും ചിഞ്ചുറാണി. പി പ്രസാദ് ചേര്‍ത്തലയില്‍ നിന്നും കെ രാജന്‍ ഒല്ലൂരില്‍ നിന്നും ചിഞ്ചുറാണി ചടയമംഗലത്ത് നിന്നും ജി ആര്‍ അനില്‍ നെടുമങ്ങാട് നിന്നുമാണ് വിജയിച്ചത്.