വെള്ളിയാഴ്ച വീടുകളില്‍ വെച്ച് വിജയദിനം ആഘോഷിക്കാന്‍ എല്‍ ഡി എഫ്; മുന്നണി യോഗം 17ന്

തിരുവനന്തപുരം | ഈ മാസം ഏഴാം തീയതി തിരഞ്ഞെടുപ്പ് വിജയാഹ്ളാദം നടത്താന്‍ തീരുമാനിച്ച് എല്‍ ഡി എഫ്. കുടുംബാംഗങ്ങള്‍ക്കൊപ്പം വീടുകളില്‍ ദീപം തെളിയിച്ച് വൈകിട്ട് ഏഴ് മണിക്ക് വിജയാഹ്ളാദമുണ്ടാകും. ഇടതുപക്ഷത്തിന് വോട്ട് ചെയ്തവരും അനുഭാവികളുമെല്ലാം അതില്‍ പങ്കുചേരുമെന്നും സി പി എം ആക്ടിംഗ് സെക്രട്ടറി എ വിജയരാഘവന്‍ പറഞ്ഞു.

17ന് എല്‍ ഡി എഫ് യോഗം ചേരും. 18ന് രാവിലെ സംസ്ഥാന സെക്രട്ടറിയേറ്റ് ചേര്‍ന്ന് മന്ത്രിസഭാ രൂപവത്കരണം സംബന്ധിച്ച് തീരുമാനമെടുക്കും. അതിന് ശേഷമാകും സത്യപ്രതിജ്ഞാ ചടങ്ങ്.

എല്‍ ഡി എഫിന്റെ തുടര്‍ഭരണത്തിനെതിരായിരുന്നു എന്‍ എസ് എസ്. എന്നാല്‍ ആ നിലപാട് സമുദായംഗങ്ങള്‍ തന്നെ നിരാകരിച്ചുവെന്നും അദ്ദേഹം പറഞ്ഞു.