Malappuram
സമസ്ത പൊതുപരീക്ഷയില്‍ ഉജ്ജ്വല വിജയവുമായി മഅ്ദിന്‍ സ്പെഷ്യല് സ്‌കൂള്‍
മലപ്പുറം | ഏപ്രില്‍ മൂന്ന്, നാല് തീയതികളിലായി സുന്നി വിദ്യാഭ്യാസ ബോര്‍ഡ് നടത്തിയ പൊതുപരീക്ഷയില്‍ കേള്‍വി പരിമിതിർക്കുള്ള മഅ്ദിന്‍ വിദ്യാലയത്തിലെ വിദ്യാർഥികള്‍ക്ക് ഉജ്ജ്വല വിജയം. കൊവിഡ് പ്രതിസന്ധികള്‍ക്കിടയിലും പഠനത്തിന്റെ കാര്യത്തില്‍ ഒട്ടും പിന്നിലാകാതെ നേടിയ ഈ നേട്ടത്തിനു ഇരട്ടത്തിളക്കമാണ്.
ഓണ്‍ലൈന്‍ ക്ലാസുകളും രക്ഷിതാക്കളുടെ പൂര്‍ണ പിന്തുണയും ആണ് ഈ വിജയത്തിലെത്തിച്ചത്. ഓരോ പാഠഭാഗങ്ങളും ആംഗ്യ ഭാഷയിലേക്ക് പരാവര്‍ത്തനം നടത്തിയും അഭിനയിച്ചു കാണിച്ചു കൊണ്ടും ലളിതമായ രീതിയില്‍ ഓണ്‍ലൈനായി തന്നെ കുട്ടികള്‍ക്ക് ക്ലാസ്സുകള്‍ നടത്തിയിരുന്നു.
കേള്‍വി പരിമിതിയുള്ള കുട്ടികളെ കൂടാതെ കാഴ്ച പരിമിതിയുള്ള കുട്ടികള്‍ക്കും ബുദ്ധിപരമായ വെല്ലുവിളികള്‍ നേരിടുന്ന കുട്ടികള്‍ക്കും സ്‌കൂള്‍ പഠനത്തോടൊപ്പം മതവിദ്യാഭ്യാസം കൊടുത്തു വരുന്ന സ്ഥാപനമായ മഅദിന്‍ സ്പെഷ്യല് സ്‌കൂള്‍, സുന്നി വിദ്യാഭ്യാസ ബോര്‍ഡിന്റെ കീഴില്‍ പ്രവര്‍ത്തിക്കുന്ന ഏക സ്പെഷ്യല് സ്‌കൂള്‍ മദ്രസയാണ്.
മികച്ച നേട്ടം കൈവരിച്ച വിദ്യാര്‍ഥികളെ മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി, ഏബ്ള്‍ വേള്‍ഡ് മേധാവി മുഹമ്മദ് അസ്‌റത്ത്, സ്പെഷ്യല് സ്‌കൂള്‍ മാനേജര്‍ മൊയ്ദീന്‍ കുട്ടി, അധ്യാപകരായ ഉസ്മാന്‍ സഖാഫി, റംല എന്നിവര്‍ അനുമോദിച്ചു.
Latest
കുട്ടിയാന കൊച്ചയ്യപ്പന്‍ ചരിഞ്ഞു
ഹാരിസ് മികച്ച ഡോക്ടര്‍; വാക്കുകളില്‍ 'കുനിഷ്ട് ' ഉള്ളതായി തോന്നുന്നില്ല: ബിനോയ് വിശ്വം
വിസ്മയ കേസ് പ്രതിക്ക് ജാമ്യം; ശിക്ഷാ വിധിയും സുപ്രീം കോടതി മരവിപ്പിച്ചു
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
