Connect with us

National

ഓക്‌സിജന്‍ സിലിണ്ടറുകള്‍ കരിഞ്ചന്തയില്‍ വില്‍പ്പന; ഡല്‍ഹിയില്‍ രണ്ട് പേര്‍ അറസ്റ്റില്‍

Published

|

Last Updated

ന്യൂഡല്‍ഹി | കൊവിഡ് വ്യാപനത്തെ തുടര്‍ന്ന് രാജ്യത്ത് ഓക്സിജന്‍ ക്ഷാമം നിലനില്‍ക്കെ ഓക്സിജന്‍ സിലിണ്ടറുകള്‍ കരിഞ്ചന്തയില്‍ വില്‍പന നടത്തിയ രണ്ട് പേരെ ഡല്‍ഹി പോലീസ് പിടികൂടി. വികാസ്പുരി നിവാസിയായ ശ്രെ ഒബ്രായ് (30), ഷാലിമാര്‍ ബാഗിലെ അഭിഷേക് നന്ദ (32) എന്നിവരാണ് പിടിയിലായത്.

ശ്രെ ഒബ്രായുടെ നേതൃത്വത്തില്‍ ഓക്സിജന്‍ സിലിണ്ടറുകള്‍ കരിഞ്ചത്തയില്‍ വില്‍ക്കുന്നുണ്ടെന്ന രഹസ്യ വിവരത്തെത്തുടര്‍ന്ന് പോലീസ് നടത്തിയ അന്വേഷണത്തിലാണ് ഇരുവരും പിടിയിലായത്. ഇവരുടെ പക്കല്‍ നിന്നും രണ്ട് സിലിണ്ടറുകള്‍ പിടിച്ചെടുത്തു. സാമൂഹ്യമാധ്യമങ്ങള്‍ വഴിയാണ് കൂടിയ വിലക്ക് ഇവര്‍ ഓക്‌സിജന്‍ സിലിണ്ടറുകള്‍ വില്‍പ്പന നടത്തിയതെന്ന് പോലീസ് പറഞ്ഞു.ഇവരില്‍നിന്നും ആകെ അഞ്ച് ഓക്‌സിജന്‍ സിലിണ്ടറുകളും ഇവ കടത്താനുപയോഗിച്ച കാറും പോലീസ് കസ്റ്റഡിയിലെടുത്തു.

Latest