Kerala
ഇന്ത്യക്ക് ഓക്‌സിജന്‍ സിലിണ്ടറുകള്‍ അനുവദിച്ച നടപടി; സല്‍മാന്‍ രാജാവിന് അഭിനന്ദനവും പ്രാര്‍ത്ഥനയുമായി കാന്തപുരം കത്തയച്ചു
കോഴിക്കോട് | കൊവിഡിന്റെ രണ്ടാം വരവില്‍ ഓക്‌സിജന്‍ സിലിണ്ടറുകള്‍ ഇല്ലാതെ ബുദ്ധിമുട്ടുന്ന ഇന്ത്യയിലേക്ക് 80 മെട്രിക് ടണ്‍ ഓക്‌സിജന്‍ സിലിണ്ടറുകള്‍ സൗജന്യമായി അയച്ച സഊദി അറേബ്യ ഭരണാധികാരി സല്‍മാന്‍ ബിന്‍ അബ്ദുല്‍ അസീസ് അല്‍ സൗദിന് അഭിനന്ദനമറിയിച്ച് ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ കത്തയച്ചു. സഊദിയിലെ ഇന്ത്യന്‍ എംബസി വഴിയാണ് കത്ത് കൈമാറിയത്.
കൊവിഡിന്റെ അപ്രതീക്ഷിതമായ വ്യാപനത്തില്‍ ആയിരക്കണക്കിന് രോഗികള്‍ ബുദ്ധിമുട്ടിയപ്പോള്‍, സ്വന്തം രാജ്യത്തെ പൗരന്മാരെപോലെ കണക്കാക്കി ഇന്ത്യയിലേക്ക് വലിയ സഹായം അയച്ച ഈ മാതൃക വളരെ പ്രശംസനീയമാണ്. ചരിത്രപരമായി മികച്ച സൗഹൃദം നിലനില്‍ക്കുന്ന ഇരുരാജ്യങ്ങളും തമ്മിലുള്ള ബന്ധം കൂടുതല്‍ ഊഷ്മളമാക്കാനും ഈ നടപടി സഹായിക്കും. വിശുദ്ധ റമസാനിലാണ് ഈ ജീവകാരുണ്യ പ്രവര്‍ത്തനം ഉണ്ടായത് എന്നതും കര്‍മമഹത്വം വര്‍ദ്ധിപ്പിക്കുന്നു.
ആപത്ത് കാലത്ത് നടത്തിയ ഈ മനുഷ്യസ്‌നേഹ പ്രവര്‍ത്തനത്തിന് ഇന്ത്യയിലെ കോടിക്കണക്കിനു മനുഷ്യരുടെ മനസ്സുകളില്‍ വലിയ കൃതജ്ഞത ഉണ്ട്. സല്‍മാന്‍ രാജാവിന്റെ ആരോഗ്യത്തിനു വേണ്ടിയും സൗദി അറേബ്യയുടെയും അവിടെത്തെ പൗരന്മാരുടെയും നന്മക്കു വേണ്ടിയും ഇന്ത്യക്കാര്‍ എന്നും പ്രാര്‍ത്ഥിക്കുമെന്നും കാന്തപുരം കത്തില്‍ പറഞ്ഞു.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
