National
കൊവിഡ് പ്രതിരോധത്തില് സര്ക്കാരിനെ വിമര്ശിക്കുന്ന ട്വീറ്റുകള്; ട്വിറ്ററിന് നോട്ടീസ്
ന്യൂഡല്ഹി | കൊവിഡ് പ്രതിരോധത്തില് സര്ക്കാരിന്റെ വീഴ്ചകള് ചൂണ്ടിക്കാട്ടിയുള്ള ട്വീറ്റുകള്ക്കെതിരെ കേന്ദ്രം. ഇത്തരം ട്വീറ്റുകള് നീക്കം ചെയ്യാന് കേന്ദ്രം ട്വിറ്ററിനോട് ആവശ്യപ്പെട്ടു. രാജ്യത്തിന്റെ ഐ ടി നിയമങ്ങള് ലംഘിച്ച് ട്വീറ്റുകള് നല്കിയതില് വിശദീകരണം ആവശ്യപ്പെട്ട് നോട്ടീസ് അയച്ചിട്ടുണ്ട്. കേന്ദ്രത്തിന്റെ ഇടപെടലിനെ തുടര്ന്ന് നിരവധി ട്വീറ്റുകള് ട്വിറ്റര് നീക്കം ചെയ്തു. എം പിമാര്, സംസ്ഥാന മന്ത്രിമാര്, സിനിമാ താരങ്ങള് തുടങ്ങിയവരുടെ ട്വീറ്റുകളും ഇതിലുള്പ്പെടും. അക്കൗണ്ടുകള്ക്കെതിരെ നടപടി സ്വീകരിച്ചിട്ടില്ലെന്നാണ് ട്വിറ്റര് വ്യക്തമാക്കിയിട്ടുള്ളത്. എന്നാല്, അതത് അക്കൗണ്ടുടമകള്ക്ക് ട്വീറ്റുകള് സംബന്ധിച്ച അറിയിപ്പ് നല്കിയിരുന്നതായി ട്വിറ്റര് വക്താവ് അറിയിച്ചു.
കൊവിഡുമായി ബന്ധപ്പെട്ട വ്യാജവാര്ത്തകള് പ്രചരിപ്പിക്കുകയും ജനങ്ങളെ പരിഭ്രാന്തരാക്കുകയും ചെയ്തതിനാലാണ് ട്വീറ്റുകള് നീക്കം ചെയ്യാന് ആവശ്യപ്പെട്ടതെന്നാണ് അറിയുന്നത്. ഓക്സിജന് ലഭ്യതക്കുറവ്, മരുന്നുകളുടെ ദൗര്ലഭ്യം തുടങ്ങിയവ സംബന്ധിച്ച വിമര്ശനങ്ങളാണ് ബ്ലോക്ക് ചെയ്ത ട്വീറ്റുകളില് അധികവും.
Latest
ഫ്ളക്സ് ബോര്ഡുകള് നീക്കം ചെയ്യാനെത്തിയ തിരഞ്ഞെടുപ്പ് സ്ക്വാഡ് ഉദ്യോഗസ്ഥരെ മര്ദ്ദിച്ച് കോണ്ഗ്രസ് പ്രവര്ത്തകര്; സംഭവം കൊച്ചിയില്
സഹകരണ സോഫ്റ്റ്വെയര് പദ്ധതിയില് മറ്റ് കമ്പനികളെ ഒഴിവാക്കിയെന്ന ചെന്നിത്തലയുടെ ആരോപണം തെറ്റ്; 45 കമ്പനികള്ക്ക് അവസരം നല്കി: മുഖ്യമന്ത്രി
വര്ഗീയവാദികളുടെ പിന്തുണയുണ്ട്; ജി സുധാകരനെതിരെ അമ്പലപ്പുഴയില് ജാഗ്രത വേണമെന്ന് എം വി ഗോവിന്ദന്
രാഹുല് ഗാന്ധിയുമായി കൂടിക്കാഴ്ച നടത്തി കെ സുധാകരന്; കേരള ജനതക്കായി പോരാടിയ നേതാവെന്ന് രാഹുല് ഗാന്ധി
ദളിത് യുവതിയുടെ പീഡന പരാതി; കൗണ്സിലര് പ്രശോഭ് സി വത്സനെതിരെ കേസെടുത്ത് പോലീസ്
രമ്യ ഹരിദാസിന്റെ 'ഇന്ദിരാ ഗ്യാരണ്ടി ട്രയല് ബസ് യാത്ര'; റിപ്പോര്ട്ട് തേടി തെരഞ്ഞെടുപ്പ് കമ്മീഷന്
