മന്‍സൂര്‍ വധം: കേസ് അട്ടിമറിക്കാന്‍ ശ്രമം; അന്വേഷണ ഉദ്യോഗസ്ഥന്‍ പാര്‍ട്ടിയുമായി ബന്ധമുള്ളയാളെന്നും യുഡിഎഫ് നേതാക്കള്‍

കണ്ണൂര്‍  | സുന്നി പ്രവര്‍ത്തകന്‍ പാറാല്‍ മന്‍സൂര്‍ കൊല്ലപ്പെട്ട കേസ് അട്ടിമറിക്കാനുള്ള ശ്രമം നടക്കുന്നതായി പ്രതിപക്ഷ നേതാവ് രമേശ് ചെന്നിത്തല.അന്വേഷണം നേരിട്ട് ക്രൈംബ്രാഞ്ചിനെ ഏര്‍പ്പിച്ചതില്‍ ദുരൂഹതയുണ്ട്. സിപിഎമ്മുമായി ബന്ധമുള്ള ആളാണ് അന്വേഷണ ഉദ്യോഗസ്ഥന്‍. തെളിവുകള്‍ നശിപ്പിക്കാനാണ് ശ്രമമെന്നും രമേശ് ചെന്നിത്തല ആരോപിച്ചു.യഥാര്‍ത്ഥ കൊലയാളികളെ മുഴുവന്‍ നിയമത്തിന് മുന്നില്‍ കൊണ്ടുവരണം. നിലവിലെ അന്വേഷണംകൊണ്ട് അതിന് സാധ്യമാകുമെന്ന് കരുതുന്നില്ല. ഒരു ഐപിഎസ് ഉദ്യോഗസ്ഥന്റെ നേതൃത്വത്തിലുള്ള പ്രത്യേക അന്വേഷണ സംഘം രൂപീകരിക്കണമെന്നും പ്രതിപക്ഷ നേതാവ് ആവശ്യപ്പെട്ടു.

പി കെ കുഞ്ഞാലിക്കുട്ടി, കെ സുധാകരന്‍ തുടങ്ങിയ യുഡിഎഫ് നേതാക്കള്‍ക്കൊപ്പം മന്‍സൂറിന്റെ വീട് സന്ദര്‍ശിച്ച ശേഷം മാധ്യമങ്ങളെ കണ്ടപ്പോഴായിരുന്നു ചെന്നിത്തല ഇക്കാര്യങ്ങള്‍ വ്യക്തമാക്കിയത്.
കേസ് തന്നെ ഇല്ലാതാക്കാനുള്ള പണിയാണ് ഇപ്പോഴത്തെ അന്വേഷണ സംഘത്തെ ഏല്‍പ്പിച്ചിരിക്കുന്നതെന്നും അതിനെ നിന്നുകൊടുക്കുന്ന പ്രശ്‌നമില്ലെന്നും പികെ കുഞ്ഞാലിക്കുട്ടിയും പറഞ്ഞു.

കുടുംബത്തിനോ യുഡിഎഫിനോ ഈ അന്വേഷണത്തില്‍ വിശ്വാസമില്ല. കേട്ടുകേള്‍വിയില്ലാത്ത രീതിയിലാണ് ക്രൈംബ്രാഞ്ചിനെ അന്വേഷണം ഏല്‍പ്പിച്ചിട്ടുള്ളതെന്നും അദ്ദേഹം പറഞ്ഞു