National
ഈ മാസം 11 മുതല്‍ സമൂഹ കൊവിഡ് വാക്‌സിനേഷന്‍ പദ്ധതി നടപ്പാക്കണമെന്ന് പ്രധാനമന്ത്രി
ന്യൂഡല്‍ഹി | ഈ മാസം 11 മുതല്‍ 14 വരെ സമൂഹ കൊവിഡ് വാക്‌സിനേഷന്‍ പരിപാടി സംഘടിപ്പിച്ച് വാക്‌സിന്‍ ഉത്സവമായി ആഘോഷിക്കണമെന്ന് പ്രധാനമന്ത്രി നരേന്ദ്രമോദി. കൊവിഡ് കേസുകള്‍ വര്‍ധിക്കുന്നത് തടയാന്‍ മൈക്രോ കണ്ടെയ്ന്‍മെന്റ് സോണുകള്‍ ഏര്‍പ്പെടുത്തേണ്ടത് ആവശ്യമാണെന്നും അദ്ദേഹം മുഖ്യമന്ത്രിമാരുമായി നടത്തിയ വീഡിയോ കോണ്‍ഫറന്‍സില്‍ വ്യക്തമാക്കി. വാക്‌സിനേഷന്‍ പുരോഗതി പ്രധാനമന്ത്രി അവലോകനം ചെയ്തു.
സംസ്ഥാനങ്ങള്‍ കൊവിഡിനെതിരായ ശ്രമങ്ങള്‍ കൂടുതല്‍ ശക്തിപ്പെടുത്തണമെന്ന് പ്രധാനമന്ത്രി ആവശ്യപ്പെട്ടു. കൊവിഡ് രണ്ടാം തരംഗം കൂടുതല്‍ അപകടകാരിയാണ്. ഇത് ആശങ്കാജനകമാണ്. ഒന്നാം തരംഗത്തേക്കാള്‍ വളരെ വേഗത്തിലാണ് കോവിഡ് രണ്ടാം തരംഗത്തിന്റെ വളര്‍ച്ചാ നിരക്ക്. ചില സംസ്ഥാനങ്ങളില്‍ ജനങ്ങള്‍ സാഹചര്യത്തിന്റെ ഗൗരവം കൈവെടിയുന്നതില്‍ പ്രധാനമന്ത്രി നിരാശ പ്രകടിപ്പിച്ചു.
വെല്ലുവിളി നിറഞ്ഞ സാഹചര്യമാണ് മുന്നിലെന്നും പരിശോധന, പിന്തുടരല്‍ ചികിത്സ എന്നിവയില്‍ സംസ്ഥാനങ്ങള്‍ കൂടുതല്‍ ശ്രദ്ധ കേന്ദ്രീകരിക്കണമെന്നും പ്രധാനമന്ത്രി ആവശ്യപ്പെട്ടു. വെല്ലുവിളികള്‍ക്കപ്പുറം രാജ്യത്തിന് മികച്ച അനുഭവസമ്പത്തും വാക്‌സിന്‍ ലഭ്യതയുമുണ്ട്. സമ്പര്‍ക്ക ഉറവിടം കണ്ടെത്തുന്നതിലും ആരോഗ്യമന്ത്രാലയത്തിന്റെ മാനദണ്ഡങ്ങള്‍ പിന്തുടരുന്നതിലും സംസ്ഥാനങ്ങള്‍ കൂടുതല്‍ ശ്രദ്ധപതിപ്പിക്കണം.
പോസിറ്റീവ് കേസുകളുടെ എണ്ണം കൂടുമെങ്കിലും പരിശോധനകള്‍ വര്‍ധിപ്പിക്കണമെന്നും ആര്‍ടിപിസിആര്‍ പരിശോധനകള്‍ 70 ശതമാനം എത്തിക്കുകയാണ് ലക്ഷ്യമെന്നും പ്രധാനമന്ത്രി യോഗത്തില്‍ വ്യക്തമാക്കി.
Latest
ഹാരിസ് മികച്ച ഡോക്ടര്‍; വാക്കുകളില്‍ 'കുനിഷ്ട് ' ഉള്ളതായി തോന്നുന്നില്ല: ബിനോയ് വിശ്വം
വിസ്മയ കേസ് പ്രതിക്ക് ജാമ്യം; ശിക്ഷാ വിധിയും സുപ്രീം കോടതി മരവിപ്പിച്ചു
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
'തന്റേത് പ്രൊഫഷണല്‍ സൂയിസൈഡ്; പ്രതിസന്ധിയുണ്ടാക്കിയത് ഉദ്യോഗസ്ഥര്‍, മുഖ്യമന്ത്രി ഗുരുനാഥനാണ്'
