അതിര്‍ത്തിയില്‍ തമിഴ്‌നാട് വാഹന പരിശോധന ആരംഭിച്ചു

പാലക്കാട് |  വാളയാര്‍ അതിര്‍ത്തി വഴി വരുന്നവര്‍ക്ക് ഇ -പാസ് നിര്‍ബന്ധമാക്കിയ തമിഴ്‌നാട് വാഹന പരിശോധനയും ആരംഭിച്ചു. ഇന്ന് മുതല്‍ ഇ പാസ് ഇല്ലാത്തവരെ തമിഴ്‌നാട്ടിലേക്ക് പ്രവേശിപ്പിക്കില്ലെന്ന് കഴിഞ്ഞ ദിവസം അറിയിച്ചിരുന്നു. ഇതിന്റെ അടിസ്ഥാനത്തിലാണ് തമിഴ്‌നാട് പൊലീസ്, റവന്യൂ, ആരോഗ്യ വകുപ്പ് അധികൃതര്‍ സംയുക്തമായി പരിശോധന നടത്തുന്നത്. ഇ-പാസ് രജിസ്റ്റര്‍ ചെയ്യാത്ത ആളുകളെ തിരിച്ച് വിടുകയാണ്. നിരവധി പേര്‍ അതിര്‍ത്തികളില്‍ കുടുങ്ങിയതായാണ് റിപ്പോര്‍ട്ട്.

കോയമ്പത്തൂര്‍ വഴി തമിഴ്‌നാട് പോകുന്ന എല്ലാവര്‍ക്കും ഇ-പാസ് നിര്‍ബന്ധമാക്കിക്കൊണ്ടുള്ള ഉത്തരവ് കോയമ്പത്തൂര്‍ കലക്ടര്‍ കഴിഞ്ഞ ദിവസമാണ് പുറപ്പെടുവിച്ചത്. കൊവിഡ് നെഗറ്റീസ് സര്‍ട്ടിഫിക്കറ്റ് വേണമെന്ന ഉത്തരവ് കേരളത്തിന്റെ ആവശ്യപ്രകാരം കഴിഞ്ഞ ദിവസം തമിഴ്‌നാട് സര്‍ക്കാര്‍ തിരുത്തിയിരുന്നു. കേരളത്തിലെ കൊവിഡ് വ്യാപനത്തിന്റെ പശ്ചാത്തലത്തിലായിരുന്നു തമിഴ്‌നാടിന്റെ തീരുമാനം.