National
പെനാല്‍ട്ടി ഷൂട്ടൗട്ടില്‍ ഗോവയെ പരാജയപ്പെടുത്തി മുംബൈ ഐ എസ് എല്‍ കലാശപ്പോരാട്ടത്തിന്
ബംബോലിം | ഇന്ത്യന്‍ സൂപ്പര്‍ ലീഗിന്റെ അവേശം നിറഞ്ഞ സെമി ഫൈനല്‍ പോരാട്ടത്തില്‍ ഗോവ എഫ് സിയെ കീഴടക്കി മുംബൈ സിറ്റി എഫ് സി. നിശ്ചിത സമയത്ത് ഇരു ടീമുകളും ഗോള്‍രഹിത സമനിലക്ക് വഴങ്ങി. തുടര്‍ന്ന് പൈനാല്‍ട്ടി ഷൂട്ടൗട്ടില്‍ 6-5 എന്ന സ്‌കോറിന് ഗോവയെ കീഴടക്കിയാണ് മുംബൈ കലാശപ്പോരാട്ടത്തിന് യോഗ്യത നേടിയത്.
ഐ എസ് എല്‍ ചരിത്രത്തിലാദ്യമായാണ് മുംബൈ ഫൈനലിലെത്തുന്നത്. നിശ്ചിത സമയത്ത് ഒരു ഗോളു പോലും നേടാതെയാണ് മുംബൈ പെനാല്‍ട്ടിയില്‍ വിജയിച്ച് ഫൈനലിലെത്തിയിരിക്കുന്നത്. ഒന്‍പതാം കിക്കെടുത്ത റൗളിങ് ബോര്‍ജസാണ് ടീമിനെ ഫൈനലിലെത്തിച്ചത്. മികച്ച പ്രകടനം പുറത്തെടുത്തിട്ടും ഭാഗ്യം ഗോവയെ തുണച്ചില്ല. ഗോവയുടെ പ്രതിരോധതാരം ഐവാന്‍ ഗോണ്‍സാല്‍വസ് മത്സരത്തിലെ ഹീറോ ഓഫ് ദ മാച്ച് പുരസ്‌കാരം സ്വന്തമാക്കി.
മത്സരത്തിന്റെ തുടക്കത്തില്‍ മുംബൈ സിറ്റി മികച്ച പ്രകടനം കാഴ്ചവെച്ചു. ആദ്യ ആറുമിനിട്ടുകള്‍ക്കുള്ളില്‍ തന്നെ രണ്ട് കോര്‍ണറുകള്‍ നേടിയെടുക്കാന്‍ ടീമിന് സാധിച്ചു. പക്ഷേ ആദില്‍ ഖാന്‍ നയിച്ച ഗോവന്‍ പ്രതിരോധം പാറപോലെ ഉറച്ചുനിന്നതോടെ ഈ രണ്ട് അവസരങ്ങളും മുതലാക്കാന്‍ മുംബൈയ്ക്ക് കഴിഞ്ഞില്ല.
Latest
പിഎം ശ്രീയില്‍ സമവായം; സിപിഐയുടെ എതിര്‍പ്പ് കണക്കിലെടുത്ത് പദ്ധതി തല്‍ക്കാലം മരവിപ്പിക്കാമെന്ന് സിപിഎം
പാലക്കാട് പല്ലഞ്ചാത്തന്നൂരില്‍ ഭര്‍ത്താവ് ഭാര്യയെ വെട്ടിക്കൊന്നു; പ്രതി പിടിയില്‍
സംസ്ഥാന സ്‌കൂള്‍ കായികമേള : 117.5 പവന്‍ തൂക്കമുള്ള സ്വര്‍ണക്കപ്പ് നിര്‍മ്മിച്ചത് മലബാര്‍ ഗോള്‍ഡ് ആന്‍ഡ് ഡയമണ്ട്‌സ്
ആകാശത്തിലെ രക്ഷകർ: യുഎഇയിലേക്കുള്ള കന്നി വിമാന യാത്രയിൽ സഹയാത്രികനെ ഹൃദയാഘാതത്തിൽ നിന്ന് രക്ഷിച്ച് രണ്ട് മലയാളി നേഴ്സുമാർ
കോട്ടയം മെഡിക്കല്‍ കോളജില്‍ ചികിത്സ പിഴവ് കാരണം രോഗി മരിച്ചെന്ന് കുടുംബം; പോലീസില്‍ പരാതി നല്‍കി.
പിഎം ശ്രീ; കരാറിന്റെ മാനദണ്ഡങ്ങളില്‍ ഇളവ് ആവശ്യപ്പെട്ട് സര്‍ക്കാര്‍ കേന്ദ്രത്തിന് കത്ത് അയക്കും
