Kerala
ഐസക് അടക്കം അഞ്ച് മന്ത്രിമാർക്ക് സി പി എം സീറ്റ് നൽകിയേക്കില്ല
തിരുവനന്തപുരം | ഡോ.തോമസ് ഐസക് അടക്കം അഞ്ച് മന്ത്രിമാർക്ക് സി പി എം സീറ്റ് നൽകിയേക്കില്ല. തുടർച്ചയായി രണ്ട് ടേം മത്സരിച്ചവരെ മാറ്റിനിർത്തുകയെന്ന പാർട്ടി നിലപാട് പ്രകാരമാണിത്. ഇതിൽ എം എൽ എമാർക്ക് അടക്കം ആർക്കും ഇളവ് നൽകേണ്ടതില്ലെന്നാണ് പൊതു അഭിപ്രായം.
ഐസക്കിന് പുറമെ, ജി സുധകാരന്, സി രവീന്ദ്രനാഥ്, ഇ പി ജയരാജന്, എ കെ ബാലന് എന്നിവർക്കാകും സീറ്റ് ലഭിക്കാതിരിക്കുക. മുഖ്യമന്ത്രിയടക്കം മറ്റ് മന്ത്രിമാർ മത്സരിച്ചേക്കും.
തിരുവനന്തപുരത്ത് പുരോഗമിക്കുന്ന സെക്രട്ടറിയേറ്റ് യോഗത്തിലാണ് ഇത്തരം ചർച്ചകൾ. മുഖ്യമന്ത്രി പിണറായി വിജയനടക്കം പങ്കെടുക്കുന്നുണ്ട്. ആരോഗ്യ മന്ത്രി കെ.കെ.ശൈലജ മട്ടന്നൂരില് നിന്നാകും ഇത്തവണ ജനവിധി തേടുക.
---- facebook comment plugin here -----