രാജ്യത്തെ മൊത്തം കൊവിഡ് കേസുകളില്‍ 44.97 ശതമാനവും കേരളത്തിലെന്ന് കേന്ദ്ര ആരോഗ്യ മന്ത്രാലയം

ന്യൂഡല്‍ഹി | രാജ്യത്തെ മൊത്തം കൊവിഡ് കേസുകളില്‍ വലിയൊരു ശതമാനം കേരളത്തിലാണെന്ന് കേന്ദ്ര ആരോഗ്യ മന്ത്രാലയം. ആകെ റിപ്പോര്‍ട്ട് ചെയ്ത കേസുകളില്‍ 44.97 ശതമാനവും കേരളത്തിലാണ്. മഹാരാഷ്ട്രയിലാണ് 24 മണിക്കൂറിനുള്ളില്‍ ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തത്. കേരളത്തിലും മഹാരാഷ്ട്രയിലുമാണ് രാജ്യത്തെ 72 ശതമാനം കൊവിഡ് കേസുകളുമുള്ളത്. കൊവിഡ് വ്യാപനം തടയാന്‍ നടപടി സ്വീകരിക്കണമെന്ന് കേന്ദ്ര സംഘം ഇരു സംസ്ഥാനങ്ങള്‍ക്കും നിര്‍ദേശം നല്‍കി.

ഇതുവരെ ആകെ 87 ലക്ഷം പേര്‍ കൊവിഡ് വാക്‌സിന്‍ സ്വീകരിച്ചതായും ആരോഗ്യ മന്ത്രാലയം അറിയിച്ചു.
രണ്ടാം ഘട്ട ഡോസ് 1.7 ലക്ഷം പേരാണ് സ്വീകരിച്ചത്.