അമേരിക്കയില്‍ പോലീസ് ക്രൂരത വീണ്ടും; ഒമ്പതുകാരിയെ കൈയാമം വെച്ച് കണ്ണില്‍ മുളക് സ്പ്രേ അടിച്ചു

ന്യൂയോര്‍ക്ക് | അമേരിക്കയില്‍ ഒമ്പതുകാരിയെ കൈയാമം വെച്ച് കണ്ണില്‍ കുരുമുളക് സ്പ്രേ അടിച്ചു. ന്യൂയോര്‍ക്കിലെ റൊച്ചസ്റ്റര്‍ നഗരത്തിലാണ് സംഭവം. ഈ ക്രൂരത ചെയ്ത പോലീസ് ഉദ്യോഗസ്ഥരെ സസ്‌പെന്‍ഡ് ചെയ്തിട്ടുണ്ട്.

നടപടിക്ക് വിധേയമായ ഉദ്യോഗസ്ഥരുടെ പേരോ എണ്ണമോ അധികൃതര്‍ പുറത്തുവിട്ടിട്ടില്ല. ആഭ്യന്തര അന്വേഷണം പൂര്‍ത്തിയാകും വരെ സസ്‌പെന്‍ഷന്‍ തുടരും. വെള്ളിയാഴ്ചയുണ്ടായ സംഘര്‍ഷത്തിന്റെ ബോഡി ക്യാമറ ദൃശ്യങ്ങള്‍ പുറത്തുവന്നതോടെയാണ് ഇക്കാര്യം വിവാദമായത്.

ഒമ്പതുകാരിയെ ആശങ്കയിലാക്കുംവിധമുള്ള ഭീകരാന്തരീക്ഷമാണ് പോലീസ് സൃഷ്ടിച്ചത്. കുടുംബം പ്രശ്‌നത്തിലാണെന്ന ഫോണ്‍കോളിനെ തുടര്‍ന്നാണ് പോലീസ് ഇവിടെയെത്തിയത്. വീഡിയോ കാണാം;