Idukki
വാഗമണിലെ നിശാപാര്ട്ടി; യുവതി ഉള്പ്പെടെ ഒമ്പതു പേര് അറസ്റ്റില്
ഇടുക്കി | വാഗമണിലെ റിസോര്ട്ടില് നിശാപാര്ട്ടി സംഘടിപ്പിച്ച സംഭവത്തില് ഒമ്പതു പേര് അറസ്റ്റില്. എട്ട് യുവാക്കളും ഒരു യുവതിയുമാണ് അറസ്റ്റിലായത്. നിശാപാര്ട്ടിയില് 60 പേര് പങ്കെടുത്തതായി എ എസ് പി. എ എസ് സുരേഷ് കുമാര് പറഞ്ഞു.
പാര്ട്ടിയിലേക്ക് ലഹരി വസ്തുക്കള് എത്തിച്ചത് മഹാരാഷ്ട്ര, ബെംഗളൂരു എന്നിവിടങ്ങളില് നിന്നാണ്. എം ഡി എം എ, എല് എസ് ഡി സ്റ്റാമ്പ്, കഞ്ചാവ്, എക്സ്ടസി, എല് എസ് ഡി, ചരസ്, ഗഞ്ച, അഷീഷ്, തുടങ്ങിയ ലഹരി വസ്തുക്കളാണ് റിസോര്ട്ടില് നിന്ന് പിടിച്ചെടുത്തത്. ലഹരി മരുന്നിന് പണം നല്കിയതിനു പിന്നില് ഡി ജെ മഹര്, അജയ്, നമ്പീല്, സൗമ്യ, സല്മാന് എന്നിവരാണെന്നും പോലീസ് കണ്ടെത്തി. പാര്ട്ടിയില് പങ്കെടുത്തവരുടെ ഫോണ് രേഖകള് പരിശോധിക്കുമെന്ന് പോലീസ് അറിയിച്ചു.
---- facebook comment plugin here -----