ഒരു കൊവിഡ് വാക്‌സിന് കൂടി അംഗീകാരം നല്‍കാൻ സഊദി

റിയാദ് | സഊദി അറേബ്യയില്‍ പുതിയ പ്രതിരോധ വാക്‌സിനു കൂടി ലൈസന്‍സ് നല്‍കുന്ന കാര്യം പരിഗണനയിലാണെന്നും ഇതു സംബന്ധിച്ച പഠനം നടത്തി വരികയാണെന്നും  ആരോഗ്യ മന്ത്രാലയം അറിയിച്ചു. കഴിഞ്ഞ ആഴ്ച  ഫൈസര്‍-ബയോഎന്‍ടെക് വാക്‌സിന് അനുമതി നല്‍കുകയും കുത്തിവെപ്പുകൾ ആരംഭിക്കുകയും ചെയ്തിരുന്നു.

രാജ്യത്തെ പ്രതിരോധ കുത്തിവെപ്പിനായുള്ള ഓൺലൈൻ  രജിസ്‌ട്രേഷന്‍ പുരോഗമിക്കുകയാണെന്നും രണ്ട് തവണയായി നൽകുന്ന കുത്തിവെപ്പ് പൂര്‍ത്തിയാക്കുന്നതോടെ  ഇ- സര്‍ട്ടിഫിക്കറ്റോ ഇ- ലൈസന്‍സോ നല്‍കുമെന്നും മന്ത്രാലയം പറഞ്ഞു

അതിനിടെ, 24 മണിക്കൂറിനിടെ പുതുതായി  158 പേര്‍ക്ക് രോഗം സ്ഥിരീകരിക്കുകയും 149 പേര്‍ രോഗമുക്തി നേടുകയും  11 പേര്‍ മരണപ്പെടുകയും ചെയ്തു. 3,014 രോഗികളാണ് രാജ്യത്തെ വിവിധ ആശുപത്രികളിൽ ചികിത്സയിൽ കഴിയുന്നത്.