National
കര്‍ഷക പ്രക്ഷോഭം: എന്‍ ഡി എ സഖ്യകക്ഷി നേതാവ് പാര്‍ലിമെന്ററി പാനലില്‍ നിന്ന് രാജിവെച്ചു
ന്യൂഡല്‍ഹി | എന്‍ ഡി എയുടെ സഖ്യകക്ഷി രാഷ്ട്രീയ ലോക്താന്ത്രിക് പാര്‍ട്ടി (ആര്‍ എല്‍ പി) നേതാവ് ഹനുമാന്‍ ബേനിവാല്‍ എം പി പാര്‍ലിമെന്ററി കമ്മിറ്റികളില്‍ നിന്ന് രാജിവെച്ചു. പുതിയ കര്‍ഷക നിയമങ്ങള്‍ക്കെതിരെയുള്ള കര്‍ഷക പ്രതിഷേധത്തിന് ഐക്യദാര്‍ഢ്യം പ്രകടിപ്പിച്ചാണ് മൂന്ന് സമിതികളില്‍ നിന്ന് അദ്ദേഹം രാജിവെച്ചത്. രാജസ്ഥാനിലെ നഗൗരില്‍ നിന്നുള്ള എം പിയാണ് അദ്ദേഹം.
ആര്‍ എല്‍ പി കണ്‍വീനറായ ബേനിവാല്‍ തന്റെ രാജിക്കത്ത് ലോക്‌സഭാ സ്പീക്കര്‍ ഓം ബിര്‍ളക്ക് കൈമാറി. പാര്‍ലിമെന്റിന്റെ ഭാഗമായതിനാല്‍ ജനങ്ങളുമായി ബന്ധപ്പെട്ട നിരവധി വിഷയങ്ങളില്‍ സമിതിയില്‍ ശബ്ദമുയര്‍ത്തിയെന്നും എന്നാല്‍ നടപടിയെടുത്തില്ലെന്നും ബേനിവാല്‍ പ്രസ്താവനയില്‍ അറിയിച്ചു.
വ്യവസായം, പെട്രോളിയം, പ്രകൃതി വാതകം, പരാതികള്‍ തുടങ്ങിയവ കൈകാര്യം ചെയ്യുന്ന പാര്‍ലിമെന്ററി സമിതിയിലാണ് അദ്ദേഹം അംഗമായിരുന്നത്. പുതിയ നിയമങ്ങള്‍ പിന്‍വലിച്ച് സ്വാമിനാഥന്‍ കമ്മീഷന്‍ ശിപാര്‍ശകള്‍ നടപ്പാക്കണമെന്നാണ് ബേനിവാല്‍ കേന്ദ്രത്തോട് ആവശ്യപ്പെട്ടത്.
Latest
ശബരിമല സ്വര്‍ണ്ണക്കവര്‍ച്ച; പാര്‍ഥസാരഥി ക്ഷേത്രത്തിലെ സ്‌ട്രോങ് റൂമില്‍ അമിക്കസ് ക്യൂറി പരിശോധന നടത്തി
അടിമാലിയില്‍ വീടിന് മുകളിലേക്ക് മണ്ണിടിഞ്ഞു വീണു; രണ്ട് പേര്‍ കുടുങ്ങിക്കിടക്കുന്നു
ജിമ്മിലെ വര്‍ക്കൗട്ട് കഴിഞ്ഞെത്തിയ യുവാവ് കുഴഞ്ഞ് വീണ് മരിച്ചു
പഠിക്കാന്‍ പറഞ്ഞത് ഇഷ്ടമായില്ല; പതിനാലുകാരന്‍ മാതാവിനെ താലിമാല കഴുത്തില്‍ മുറുക്കി കൊലപ്പെടുത്തി
അമേരിക്കയില്‍ വാരാന്ത്യ പാര്‍ട്ടിക്കിടെ വെടിവെപ്പ്; രണ്ട് പേര്‍ കൊല്ലപ്പെട്ടു
ലഹരി മരുന്ന് വാങ്ങാന്‍ കുഞ്ഞിനെ വിറ്റു; ദമ്പതികള്‍ അറസ്റ്റില്‍
