നിയമസഭാ തിരഞ്ഞെടുപ്പില്‍ പ്രവാസി വോട്ടിന് സൗകര്യമൊരുക്കാന്‍ ശ്രമിക്കും: ടിക്കാറാം മീണ

തിരുവനന്തപുരം | ഈ വരുന്ന നിയമസഭാ തിരഞ്ഞെടപ്പില്‍ പ്രവാസികള്‍ക്ക് വോട്ടിംഗിന് സൗകര്യമെരുക്കാന്‍ ശ്രമിക്കുമെന്ന് സംസ്ഥാന മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണ. ഇതിനായുള്ള സാങ്കേതിക തയാറെടുപ്പ് അവസാന ഘട്ടത്തിലാണെന്നും ഒരു വാര്‍ത്ത ചാനല്‍ പരിപാടിയില്‍ അദ്ദേഹം പറഞ്ഞു.

മെയ് മാസത്തില്‍ നിയമസഭ തിരഞ്ഞെടുപ്പ് നടത്താന്‍ സജ്ജമാണ്. കൊവിഡ് കാലത്ത് കൊട്ടിക്കലാശം ഒഴിവാക്കണമോ എന്ന് തീരുമാനിക്കേണ്ടത് രാഷ്ട്രീയ പാര്‍ട്ടികളാണെന്നും മീണ വ്യക്തമാക്കി. കൊവിഡ് കാല നിയന്ത്രണങ്ങള്‍ പാലിക്കാനുള്ള ഉത്തരവാദിത്തം രാഷ്ട്രീയ പാര്‍ട്ടികള്‍ക്കുണ്ട്. രാഷ്ട്രീയ കക്ഷികളുടെ സ്വാതന്ത്ര്യത്തില്‍ ഇടപെടാന്‍ തെരഞ്ഞെടുപ്പ് കമ്മീഷന്‍ തയാറല്ല.ഡിസംബര്‍ 31ന് ശേഷവും വോട്ടര്‍ പട്ടികയില്‍ പേര് ചേര്‍ക്കാന്‍ അവസരം ഒരുക്കുമെന്നും ടിക്കാറാം മീണ.