മുതിര്‍ന്ന മാധ്യമ പ്രവര്‍ത്തകന്‍ ഡി വിജയമോഹന്‍ നിര്യാതനായി

ന്യൂഡല്‍ഹി | മുതിര്‍ന്ന മാധ്യമ പ്രവര്‍ത്തകന്‍ ഡി വിജയമോഹന്‍ (65) നിര്യാതനായി. കൊവിഡ് ബാധിതനായി ചികിത്സയിലായിരുന്നു. മലയാള മനോരമയുടെ ഡല്‍ഹി സീനിയര്‍ കോര്‍ഡിനേറ്റിംഗ് എഡിറ്ററായിരുന്ന വിജയമോഹന്‍ കൊവിഡ് സ്ഥിരീകരിച്ചതിനു ശേഷം ഡല്‍ഹിയിലെ സ്വകാര്യ ആശുപത്രിയില്‍ ചികിത്സയിലായിരുന്നു.

ലോക്‌സഭാ സ്പീക്കറുടെ മാധ്യമ ഉപദേശക സമിതി അംഗം, പത്രപ്രവര്‍ത്തക യൂണിയന്‍ ഡല്‍ഹി ഘടകം പ്രസിഡന്റ് തുടങ്ങിയ നിലകളില്‍ പ്രവര്‍ത്തിച്ചിട്ടുണ്ട്. തിരുവനന്തപുരം നെടുമങ്ങാട് കരിങ്ങയില്‍ കാരയ്ക്കാട്ടുകോണത്ത് കുടുംബാംഗമാണ്. ഭാര്യ: എസ് ജയശ്രീ. മകന്‍: അഡ്വ. വി എം വിഷ്ണു.