Kerala
കെ എസ് എഫ് ഇയുടെ മുഴുവന്‍ ശാഖകളില്‍ ഉടന്‍ ആഭ്യന്തര പരിശോധന നടത്തുമെന്ന് ചെയര്‍മാന്‍
പത്തനംതിട്ട | അടുത്ത പത്തുദിവസത്തിനുള്ളില്‍ കെഎസ്എഫ്ഇയുടെ മുഴുവന്‍ ശാഖകളിലും ആഭ്യന്തര പരിശോധന നടത്തുമെന്ന് കെ എസ് എഫ് ഇ ചെയര്‍മാന്‍ പീലിപ്പോസ് തോമസ്. വിജിലന്‍സ് പരിശോധന നടത്തിയ ശാഖകളില്‍ ഇന്നലെ ആഭ്യന്തര അന്വേഷണം നടന്നിരുന്നു. ഇതില്‍ യാതൊരു ക്രമക്കേടും കണ്ടെത്തനായില്ല.വിജിലന്‍സ് പരിശോധന സംബന്ധിച്ച് മുഖ്യമന്ത്രി നടത്തിയ പ്രതികരണങ്ങളെ അംഗീകരിക്കുന്നതായും ചെയര്‍മാന്‍ പറഞ്ഞു.
സര്‍ക്കാര്‍ നല്‍കുന്ന റിപ്പോര്‍ട്ടിന്റെ അടിസ്ഥാനത്തില്‍ തുടര്‍ നടപടി സ്വീകരിക്കും. വടകര സ്വദേശിയുടെ പരാതിയുടെ അടിസ്ഥാനത്തിലും വിശദമായ പരിശോധന നടത്തും.കെഎസ്എഫ്ഇയില്‍ യാതൊരു കാരണവശാലും ബിനാമി പേരില്‍ ആര്‍ക്കും ചിട്ടിയില്‍ ചേരാനാകില്ലെന്ന് ചെയര്‍മാന്‍ ആവര്‍ത്തിച്ചു.
അക്കൗണ്ട് വഴിയോ ചെക്ക് മുഖേനയോ ആണ് എല്ലാ പണം കൈമാറ്റവും നടക്കുന്നത്. അക്കൗണ്ടുകള്‍ കെവൈസി ബന്ധിതമാണ്. ആധാര്‍ കാര്‍ഡ്, തിരഞ്ഞെടുപ്പ് തിരച്ചറിയല്‍ കാര്‍ഡ്, പാന്‍ കാര്‍ഡ്, ബേങ്ക് അക്കൗണ്ട് എന്നീ വിവരങ്ങള്‍ നല്‍കുന്ന ആള്‍ക്കുമാത്രമേ ചിട്ടിയില്‍ ചേരാന്‍ കഴിയൂ. ഇടപാടുകള്‍ പൂര്‍ണമായും ആദായനികുതി വകുപ്പിന്റെ നിബന്ധനകള്‍ക്കും നിയന്ത്രണങ്ങള്‍ക്കും വിധേയമാണ്. കൂടുതല്‍ പണമുണ്ടെങ്കില്‍ ചെക്കായി വാങ്ങും. ചിട്ടിപ്പണം കൊടുക്കുന്നത് ബേങ്ക് അക്കൗണ്ട്, ചെക്ക് എന്നിവ മുഖേനയാണെന്നും ചെയര്‍മാന്‍ വിശദീകരിച്ചു
Latest
പാനൂര്‍ ബോംബ് നിര്‍മാണ കേസില്‍ മൂന്ന് പേര്‍ കൂടി അറസ്റ്റില്‍
തന്റെ പേരില്‍ വ്യാജ പ്രചാരണം നടത്തുന്നതിനെതിരെ നിയമ നടപടി സ്വീകരിക്കും; ഷാഫി പറമ്പില്‍
ഇറാന്‍ പിടിച്ചെടുത്ത ചരക്കു കപ്പലിലെ മലയാളി യുവതി തിരിച്ചത്തി
ബിറ്റ് കോയിന്‍ തട്ടിപ്പ്: ശില്‍പ ഷെട്ടിയുടെയും രാജ് കുന്ദ്രയുടെയും 97.8 കോടി രൂപയുടെ സ്വത്ത് കണ്ടുകെട്ടി
കാസര്‍ഗോഡ് മോക് പോളിനിടെ ബി ജെ പിക്ക് അധിക വോട്ട് കിട്ടിയെന്ന പരാതി തള്ളി തിരഞ്ഞെടുപ്പ് കമ്മീഷന്‍
പാറശ്ശാലയില്‍ ഭര്‍ത്താവ് യുവതിയെ കറി ചട്ടി കൊണ്ട് തലയ്ക്കടിച്ച് പരുക്കേല്‍പ്പിച്ചു; കേസെടുത്ത് പോലീസ്
