സ്വര്‍ണക്കടത്ത് കേസ്; ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് സി എം രവീന്ദ്രന് ഇ ഡി ഇന്ന് നോട്ടീസ് അയക്കും

തിരുവനന്തപുരം | സ്വര്‍ണക്കടത്തുമായി ബന്ധപ്പെട്ട കള്ളപ്പണ ഇടപാട് കേസില്‍ ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി എം രവീന്ദ്രന് എന്‍ഫോഴ്സ്മെന്റ് ഡയറക്ടറേറ്റ് (ഇ ഡി) ഇന്ന് നോട്ടീസ് അയക്കും. നേരത്തെ, മൊഴിയെടുക്കാന്‍ രവീന്ദ്രനെ വിളിപ്പിച്ചിരുന്നെങ്കിലും കൊവിഡ് ബാധിതനായിരുന്നതിനാല്‍ ഹാജരായിരുന്നില്ല.

സ്വര്‍ണക്കടത്തിനെ കുറിച്ച് എം ശിവശങ്കറിനെ കൂടാതെ മുഖ്യമന്ത്രിയുടെ ഓഫീസിലെ മറ്റ് ചിലര്‍ക്കു കൂടി അറിവുണ്ടായിരുന്നെന്ന് സ്വപ്ന മൊഴി നല്‍കിയതായി ഇ ഡി കോടതിയെ അറിയിച്ചിരുന്നു. ഇതേ തുടര്‍ന്നാണ് ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് രവീന്ദ്രന് നോട്ടീസ് നല്‍കിയത്.