ബിജെപി കുടുംബങ്ങളില്‍ നടക്കുന്ന മതംമാറിയുള്ള വിവാഹം 'ലൗ ജിഹാദ്' ആകില്ലേ എന്ന് ഛത്തിസ്ഗഢ് മുഖ്യമന്ത്രി

റായ്പൂര്‍ | ബിജെപി നേതാക്കളുടെ കുടുംബങ്ങളില്‍ നടക്കുന്ന മതംമാറിയുള്ള വിവാഹം “ലൗ ജിഹാദ്” ആകില്ലേ എന്ന് ഛത്തിസ്ഗഢ് മുഖ്യമന്ത്രി ഭൂപേഷ് ബാഗേല്‍. ബിജെപി കുടുംബങ്ങളില്‍ ഇത്തരത്തില്‍ നിരവധി വിവാഹങ്ങള്‍ നടക്കുന്നുണ്ടെന്നും അദ്ദേഹം പറഞ്ഞു.

മതംമാറി വിവാഹം കഴിക്കല്‍ തടയാന്‍ നിയമം കൊണ്ടുവരുമെന്ന് യുപി ഗവണ്‍മെന്റ് പ്രഖ്യാപിച്ചിരുന്നു. ഇതിന് മുമ്പ് മധ്യപ്രദേശ് സര്‍ക്കാറും സമാനമായ പ്രഖ്യാപനം നടത്തി. ഇതുമായി ബന്ധപ്പെട്ട ചോദ്യത്തിന് മാധ്യമങ്ങളോട് പ്രതികരിക്കുകയായിരുന്നു ഭൂപേഷ് ബാഗേല്‍.